132 Corinthians 13

1Ecce tertio hoc venio ad vos : in ore duorum vel trium testium stabit omne verbum.Select 2 Corinthians 13:1

2Prædixi, et prædico, ut præsens, et nunc absens iis qui ante peccaverunt, et ceteris omnibus, quoniam si venero iterum, non parcam.Select 2 Corinthians 13:2

3An experimentum quæritis ejus, qui in me loquitur Christus, qui in vobis non infirmatur, sed potens est in vobis ?Select 2 Corinthians 13:3

4Nam etsi crucifixus est ex infirmitate : sed vivit ex virtute Dei. Nam et nos infirmi sumus in illo : sed vivemus cum eo ex virtute Dei in vobis.Select 2 Corinthians 13:4

5Vosmetipsos tentate si estis in fide : ipsi vos probate. An non cognoscitis vosmetipsos quia Christus Jesus in vobis est ? nisi forte reprobi estis.Select 2 Corinthians 13:5

6Spero autem quod cognoscetis, quia nos non sumus reprobi.Select 2 Corinthians 13:6

7Oramus autem Deum ut nihil mali faciatis, non ut nos probati appareamus, sed ut vos quod bonum est faciatis : nos autem ut reprobi simus.Select 2 Corinthians 13:7

8Non enim possumus aliquid adversus veritatem, sed pro veritate.Select 2 Corinthians 13:8

9Gaudemus enim, quoniam nos infirmi sumus, vos autem potentes estis. Hoc et oramus, vestram consummationem.Select 2 Corinthians 13:9

10Ideo hæc absens scribo, ut non præsens durius agam secundum potestatem, quam Dominus dedit mihi in ædificationem, et non in destructionem.Select 2 Corinthians 13:10

11De cetero, fratres, gaudete, perfecti estote, exhortamini, idem sapite, pacem habete, et Deus pacis et dilectionis erit vobiscum.Select 2 Corinthians 13:11

12Salutate invicem in osculo sancto. Salutant vos omnes sancti.Select 2 Corinthians 13:12

13Gratia Domini nostri Jesu Christi, et caritas Dei, et communicatio Sancti Spiritus sit cum omnibus vobis. Amen.Select 2 Corinthians 13:13