212 Kings 21

1Duodecim annorum erat Manasses cum regnare cœpisset, et quinquaginta quinque annis regnavit in Jerusalem : nomen matris ejus Haphsiba.Select 2 Kings 21:1

2Fecitque malum in conspectu Domini, juxta idola gentium quas delevit Dominus a facie filiorum Israël.Select 2 Kings 21:2

3Conversusque est, et ædificavit excelsa quæ dissipaverat Ezechias pater ejus : et erexit aras Baal, et fecit lucos sicut fecerat Achab rex Israël, et adoravit omnem militiam cæli, et coluit eam.Select 2 Kings 21:3

4Exstruxitque aras in domo Domini, de qua dixit Dominus : In Jerusalem ponam nomen meum.Select 2 Kings 21:4

5Et exstruxit altaria universæ militiæ cæli in duobus atriis templi Domini.Select 2 Kings 21:5

6Et traduxit filium suum per ignem : et ariolatus est, et observavit auguria, et fecit pythones, et aruspices multiplicavit, ut faceret malum coram Domino, et irritaret eum.Select 2 Kings 21:6

7Posuit quoque idolum luci quem fecerat, in templo Domini, super quod locutus est Dominus ad David, et ad Salomonem filium ejus : In templo hoc, et in Jerusalem quam elegi de cunctis tribubus Israël, ponam nomen meum in sempiternum.Select 2 Kings 21:7

8Et ultra non faciam commoveri pedem Israël de terra quam dedi patribus eorum : si tamen custodierint opere omnia quæ præcepi eis, et universam legem quam mandavit eis servus meus Moyses.Select 2 Kings 21:8

9Illi vero non audierunt : sed seducti sunt a Manasse, ut facerent malum super gentes quas contrivit Dominus a facie filiorum Israël.Select 2 Kings 21:9

10Locutusque est Dominus in manu servorum suorum prophetarum, dicens :Select 2 Kings 21:10

11Quia fecit Manasses rex Juda abominationes istas pessimas, super omnia quæ fecerunt Amorrhæi ante eum, et peccare fecit etiam Judam in immunditiis suis :Select 2 Kings 21:11

12propterea hæc dicit Dominus Deus Israël : Ecce ego inducam mala super Jerusalem et Judam, ut quicumque audierit, tinniant ambæ aures ejus.Select 2 Kings 21:12

13Et extendam super Jerusalem funiculum Samariæ, et pondus domus Achab : et delebo Jerusalem, sicut deleri solent tabulæ : et delens vertam, et ducam crebrius stylum super faciem ejus.Select 2 Kings 21:13

14Dimittam vero reliquias hæreditatis meæ, et tradam eas in manus inimicorum ejus, eruntque in vastitatem, et in rapinam cunctis adversariis suis :Select 2 Kings 21:14

15eo quod fecerint malum coram me, et perseveraverint irritantes me, ex die qua egressi sunt patres eorum ex Ægypto usque ad hanc diem.Select 2 Kings 21:15

16Insuper et sanguinem innoxium fudit Manasses multum nimis, donec impleret Jerusalem usque ad os : absque peccatis suis quibus peccare fecit Judam, ut faceret malum coram Domino.Select 2 Kings 21:16

17Reliqua autem sermonum Manasse, ut universa quæ fecit, et peccatum ejus quod peccavit, nonne hæc scripta sunt in libro sermonum dierum regum Juda ?Select 2 Kings 21:17

18Dormivitque Manasses cum patribus suis, et sepultus est in horto domus suæ, in horto Oza : et regnavit Amon filius ejus pro eo.Select 2 Kings 21:18

19Viginti duorum annorum erat Amon cum regnare cœpisset : duobus quoque annis regnavit in Jerusalem : nomen matris ejus Messalemeth filia Harus de Jeteba.Select 2 Kings 21:19

20Fecitque malum in conspectu Domini, sicut fecerat Manasses pater ejus.Select 2 Kings 21:20

21Et ambulavit in omni via per quam ambulaverat pater ejus, servivitque immunditiis quibus servierat pater ejus, et adoravit eas :Select 2 Kings 21:21

22et dereliquit Dominum Deum patrum suorum, et non ambulavit in via Domini.Select 2 Kings 21:22

23Tetenderuntque ei insidias servi sui, et interfecerunt regem in domo sua.Select 2 Kings 21:23

24Percussit autem populus terræ omnes qui conjuraverant contra regem Amon, et constituerunt sibi regem Josiam filium ejus pro eo.Select 2 Kings 21:24

25Reliqua autem sermonum Amon quæ fecit, nonne hæc scripta sunt in libro sermonum dierum regum Juda ?Select 2 Kings 21:25

26Sepelieruntque eum in sepulchro suo, in horto Oza : et regnavit Josias filius ejus pro eo.Select 2 Kings 21:26