222 Samuel 22

1Locutus est autem David Domino verba carminis hujus in die qua liberavit eum Dominus de manu omnium inimicorum suorum, et de manu Saul.Select 2 Samuel 22:1

2Et ait : Dominus petra mea, et robur meum, et salvator meus.Select 2 Samuel 22:2

3Deus fortis meus : sperabo in eum ; scutum meum, et cornu salutis meæ : elevator meus, et refugium meum ; salvator meus : de iniquitate liberabis me.Select 2 Samuel 22:3

4Laudabilem invocabo Dominum, et ab inimicis meis salvus ero.Select 2 Samuel 22:4

5Quia circumdederunt me contritiones mortis : torrentes Belial terruerunt me.Select 2 Samuel 22:5

6Funes inferni circumdederunt me : prævenerunt me laquei mortis.Select 2 Samuel 22:6

7In tribulatione mea invocabo Dominum, et ad Deum meum clamabo : et exaudiet de templo suo vocem meam, et clamor meus veniet ad aures ejus.Select 2 Samuel 22:7

8Commota est et contremuit terra ; fundamenta montium concussa sunt, et conquassata : quoniam iratus est eis.Select 2 Samuel 22:8

9Ascendit fumus de naribus ejus, et ignis de ore ejus vorabit : carbones succensi sunt ab eo.Select 2 Samuel 22:9

10Inclinavit cælos, et descendit : et caligo sub pedibus ejus.Select 2 Samuel 22:10

11Et ascendit super cherubim, et volavit : et lapsus est super pennas venti.Select 2 Samuel 22:11

12Posuit tenebras in circuitu suo latibulum, cribrans aquas de nubibus cælorum.Select 2 Samuel 22:12

13Præ fulgore in conspectu ejus, succensi sunt carbones ignis.Select 2 Samuel 22:13

14Tonabit de cælo Dominus, et excelsus dabit vocem suam.Select 2 Samuel 22:14

15Misit sagittas et dissipavit eos ; fulgur, et consumpsit eos.Select 2 Samuel 22:15

16Et apparuerunt effusiones maris, et revelata sunt fundamenta orbis ab increpatione Domini, ab inspiratione spiritus furoris ejus.Select 2 Samuel 22:16

17Misit de excelso, et assumpsit me, et extraxit me de aquis multis.Select 2 Samuel 22:17

18Liberavit me ab inimico meo potentissimo, et ab his qui oderant me : quoniam robustiores me erant.Select 2 Samuel 22:18

19Prævenit me in die afflictionis meæ, et factus est Dominus firmamentum meum.Select 2 Samuel 22:19

20Et eduxit me in latitudinem : liberavit me, quia complacui ei.Select 2 Samuel 22:20

21Retribuet mihi Dominus secundum justitiam meam : et secundum munditiam manuum mearum reddet mihi.Select 2 Samuel 22:21

22Quia custodivi vias Domini, et non egi impie a Deo meo.Select 2 Samuel 22:22

23Omnia enim judicia ejus in conspectu meo, et præcepta ejus non amovi a me.Select 2 Samuel 22:23

24Et ero perfectus cum eo, et custodiam me ab iniquitate mea.Select 2 Samuel 22:24

25Et restituet mihi Dominus secundum justitiam meam, et secundum munditiam manuum mearum in conspectu oculorum suorum.Select 2 Samuel 22:25

26Cum sancto sanctus eris, et cum robusto perfectus.Select 2 Samuel 22:26

27Cum electo electus eris, et cum perverso perverteris.Select 2 Samuel 22:27

28Et populum pauperem salvum facies : oculisque tuis excelsos humiliabis.Select 2 Samuel 22:28

29Quia tu lucerna mea, Domine, et tu, Domine, illuminabis tenebras meas.Select 2 Samuel 22:29

30In te enim curram accinctus : in Deo meo transiliam murum.Select 2 Samuel 22:30

31Deus, immaculata via ejus ; eloquium Domini igne examinatum : scutum est omnium sperantium in se.Select 2 Samuel 22:31

32Quis est Deus præter Dominum, et quis fortis præter Deum nostrum ?Select 2 Samuel 22:32

33Deus qui accinxit me fortitudine, et complanavit perfectam viam meam.Select 2 Samuel 22:33

34Coæquans pedes meos cervis, et super excelsa mea statuens me ;Select 2 Samuel 22:34

35docens manus meas ad prælium, et componens quasi arcum æreum brachia mea.Select 2 Samuel 22:35

36Dedisti mihi clypeum salutis tuæ, et mansuetudo tua multiplicavit me.Select 2 Samuel 22:36

37Dilatabis gressus meos subtus me, et non deficient tali mei.Select 2 Samuel 22:37

38Persequar inimicos meos, et conteram, et non convertar donec consumam eos.Select 2 Samuel 22:38

39Consumam eos et confringam, ut non consurgant : cadent sub pedibus meis.Select 2 Samuel 22:39

40Accinxisti me fortitudine ad prælium : incurvasti resistentes mihi subtus me.Select 2 Samuel 22:40

41Inimicos meos dedisti mihi dorsum ; odientes me, et disperdam eos.Select 2 Samuel 22:41

42Clamabunt, et non erit qui salvet ; ad Dominum, et non exaudiet eos.Select 2 Samuel 22:42

43Delebo eos ut pulverem terræ ; quasi lutum platearum comminuam eos atque confringam.Select 2 Samuel 22:43

44Salvabis me a contradictionibus populi mei ; custodies me in caput gentium : populus quem ignoro serviet mihi.Select 2 Samuel 22:44

45Filii alieni resistent mihi ; auditu auris obedient mihi.Select 2 Samuel 22:45

46Filii alieni defluxerunt, et contrahentur in angustiis suis.Select 2 Samuel 22:46

47Vivit Dominus, et benedictus Deus meus, et exaltabitur Deus fortis salutis meæ.Select 2 Samuel 22:47

48Deus qui das vindictas mihi, et dejicis populos sub me.Select 2 Samuel 22:48

49Qui educis me ab inimicis meis, et a resistentibus mihi elevas me : a viro iniquo liberabis me.Select 2 Samuel 22:49

50Propterea confitebor tibi, Domine, in gentibus, et nomini tuo cantabo :Select 2 Samuel 22:50

51magnificans salutes regis sui, et faciens misericordiam christo suo David, et semini ejus in sempiternum.Select 2 Samuel 22:51