9Acts 9

1Saulus autem adhuc spirans minarum et cædis in discipulos Domini, accessit ad principem sacerdotum,Select Acts 9:1

2et petiit ab eo epistolas in Damascum ad synagogas : ut si quos invenisset hujus viæ viros ac mulieres, vinctos perduceret in Jerusalem.Select Acts 9:2

3Et cum iter faceret, contigit ut appropinquaret Damasco : et subito circumfulsit eum lux de cælo.Select Acts 9:3

4Et cadens in terram audivit vocem dicentem sibi : Saule, Saule, quid me persequeris ?Select Acts 9:4

5Qui dixit : Quis es, domine ? Et ille : Ego sum Jesus, quem tu persequeris : durum est tibi contra stimulum calcitrare.Select Acts 9:5

6Et tremens ac stupens dixit : Domine, quid me vis facere ?Select Acts 9:6

7Et Dominus ad eum : Surge, et ingredere civitatem, et ibi dicetur tibi quid te oporteat facere. Viri autem illi qui comitabantur cum eo, stabant stupefacti, audientes quidem vocem, neminem autem videntes.Select Acts 9:7

8Surrexit autem Saulus de terra, apertisque oculis nihil videbat. Ad manus autem illum trahentes, introduxerunt Damascum.Select Acts 9:8

9Et erat ibi tribus diebus non videns, et non manducavit, neque bibit.Select Acts 9:9

10Erat autem quidam discipulus Damasci, nomine Ananias : et dixit ad illum in visu Dominus : Anania. At ille ait : Ecce ego, Domine.Select Acts 9:10

11Et Dominus ad eum : Surge, et vade in vicum qui vocatur Rectus : et quære in domo Judæ Saulum nomine Tarsensem : ecce enim orat.Select Acts 9:11

12(Et vidit virum Ananiam nomine, introëuntem, et imponentem sibi manus ut visum recipiat.)Select Acts 9:12

13Respondit autem Ananias : Domine, audivi a multis de viro hoc, quanta mala fecerit sanctis tuis in Jerusalem :Select Acts 9:13

14et hic habet potestatem a principibus sacerdotum alligandi omnes qui invocant nomen tuum.Select Acts 9:14

15Dixit autem ad eum Dominus : Vade, quoniam vas electionis est mihi iste, ut portet nomen meum coram gentibus, et regibus, et filiis Israël.Select Acts 9:15

16Ego enim ostendam illi quanta oporteat eum pro nomine meo pati.Select Acts 9:16

17Et abiit Ananias, et introivit in domum : et imponens ei manus, dixit : Saule frater, Dominus misit me Jesus, qui apparuit tibi in via qua veniebas, ut videas, et implearis Spiritu Sancto.Select Acts 9:17

18Et confestim ceciderunt ab oculis ejus tamquam squamæ, et visum recepit : et surgens baptizatus est.Select Acts 9:18

19Et cum accepisset cibum, confortatus est. Fuit autem cum discipulis qui erant Damasci per dies aliquot.Select Acts 9:19

20Et continuo in synagogis prædicabat Jesum, quoniam hic est Filius Dei.Select Acts 9:20

21Stupebant autem omnes qui audiebant, et dicebant : Nonne hic est qui expugnabat in Jerusalem eos qui invocabant nomen istud : et huc ad hoc venit, ut vinctos illos duceret ad principes sacerdotum ?Select Acts 9:21

22Saulus autem multo magis convalescebat, et confundebat Judæos qui habitabant Damasci, affirmans quoniam hic est Christus.Select Acts 9:22

23Cum autem implerentur dies multi, consilium fecerunt in unum Judæi ut eum interficerent.Select Acts 9:23

24Notæ autem factæ sunt Saulo insidiæ eorum. Custodiebant autem et portas die ac nocte, ut eum interficerent.Select Acts 9:24

25Accipientes autem eum discipuli nocte, per murum dimiserunt eum, submittentes in sporta.Select Acts 9:25

26Cum autem venisset in Jerusalem, tentabat se jungere discipulis, et omnes timebant eum, non credentes quod esset discipulus.Select Acts 9:26

27Barnabas autem apprehensum illum duxit ad Apostolos : et narravit illis quomodo in via vidisset Dominum, et quia locutus est ei, et quomodo in Damasco fiducialiter egerit in nomine Jesu.Select Acts 9:27

28Et erat cum illis intrans et exiens in Jerusalem, et fiducialiter agens in nomine Domini.Select Acts 9:28

29Loquebatur quoque gentibus, et disputabat cum Græcis : illi autem quærebant occidere eum.Select Acts 9:29

30Quod cum cognovissent fratres, deduxerunt eum Cæsaream, et dimiserunt Tarsum.Select Acts 9:30

31Ecclesia quidem per totam Judæam, et Galilæam, et Samariam habebat pacem, et ædificabatur ambulans in timore Domini, et consolatione Sancti Spiritus replebatur.Select Acts 9:31

32Factum est autem, ut Petrus dum pertransiret universos, deveniret ad sanctos qui habitabant Lyddæ.Select Acts 9:32

33Invenit autem ibi hominem quemdam, nomine Æneam, ab annis octo jacentem in grabato, qui erat paralyticus.Select Acts 9:33

34Et ait illi Petrus : Ænea, sanat te Dominus Jesus Christus : surge, et sterne tibi. Et continuo surrexit.Select Acts 9:34

35Et viderunt eum omnes qui habitabant Lyddæ et Saronæ : qui conversi sunt ad Dominum.Select Acts 9:35

36In Joppe autem fuit quædam discipula, nomine Tabitha, quæ interpretata dicitur Dorcas. Hæc erat plena operibus bonis et eleemosynis quas faciebat.Select Acts 9:36

37Factum est autem in diebus illis ut infirmata moreretur. Quam cum lavissent, posuerunt eam in cœnaculo.Select Acts 9:37

38Cum autem prope esset Lydda ad Joppen, discipuli, audientes quia Petrus esset in ea, miserunt duos viros ad eum, rogantes : Ne pigriteris venire ad nos.Select Acts 9:38

39Exsurgens autem Petrus, venit cum illis. Et cum advenisset, duxerunt illum in cœnaculum : et circumsteterunt illum omnes viduæ flentes, et ostendentes ei tunicas et vestes quas faciebat illis Dorcas.Select Acts 9:39

40Ejectis autem omnibus foras, Petrus ponens genua oravit : et conversus ad corpus, dixit : Tabitha, surge. At illa aperuit oculos suos : et viso Petro, resedit.Select Acts 9:40

41Dans autem illi manum, erexit eam. Et cum vocasset sanctos et viduas, assignavit eam vivam.Select Acts 9:41

42Notum autem factum est per universam Joppen : et crediderunt multi in Domino.Select Acts 9:42

43Factum est autem ut dies multos moraretur in Joppe, apud Simonem quemdam coriarium.Select Acts 9:43