2Amos 2

1Hæc dicit Dominus : Super tribus sceleribus Moab, et super quatuor non convertam eum, eo quod incenderit ossa regis Idumææ usque ad cinerem.Select Amos 2:1

2Et mittam ignem in Moab, et devorabit ædes Carioth : et morietur in sonitu Moab, in clangore tubæ.Select Amos 2:2

3Et disperdam judicem de medio ejus, et omnes principes ejus interficiam cum eo, dicit Dominus.Select Amos 2:3

4Hæc dicit Dominus : Super tribus sceleribus Juda, et super quatuor non convertam eum, eo quod abjecerit legem Domini et mandata ejus non custodierit : deceperant enim eos idola sua, post quæ abierant patres eorum.Select Amos 2:4

5Et mittam ignem in Juda, et devorabit ædes Jerusalem.Select Amos 2:5

6Hæc dicit Dominus : Super tribus sceleribus Israël, et super quatuor non convertam eum, pro eo quod vendiderit pro argento justum, et pauperem pro calceamentis.Select Amos 2:6

7Qui conterunt super pulverem terræ capita pauperum, et viam humilium declinant : et filius ac pater ejus ierunt ad puellam, ut violarent nomen sanctum meum.Select Amos 2:7

8Et super vestimentis pignoratis accubuerunt juxta omne altare, et vinum damnatorum bibebant in domo Dei sui.Select Amos 2:8

9Ego autem exterminavi Amorrhæum a facie eorum, cujus altitudo, cedrorum altitudo ejus, et fortis ipse quasi quercus ; et contrivi fructum ejus desuper, et radices ejus subter.Select Amos 2:9

10Ego sum qui ascendere vos feci de terra Ægypti, et duxi vos in deserto quadraginta annis, ut possideretis terram Amorrhæi.Select Amos 2:10

11Et suscitavi de filiis vestris in prophetas, et de juvenibus vestris nazaræos. Numquid non ita est, filii Israël ? dicit Dominus.Select Amos 2:11

12Et propinabitis nazaræis vinum, et prophetis mandabitis, dicentes : Ne prophetetis.Select Amos 2:12

13Ecce ego stridebo subter vos, sicut stridet plaustrum onustum fœno.Select Amos 2:13

14Et peribit fuga a veloce, et fortis non obtinebit virtutem suam, et robustus non salvabit animam suam :Select Amos 2:14

15et tenens arcum non stabit, et velox pedibus suis non salvabitur, et ascensor equi non salvabit animam suam :Select Amos 2:15

16et robustus corde inter fortes nudus fugiet in illa die, dicit Dominus.Select Amos 2:16