5Amos 5

1Audite verbum istud, quod ego levo super vos planctum : domus Israël cecidit, et non adjiciet ut resurgat.Select Amos 5:1

2Virgo Israël projecta est in terram suam, non est qui suscitet eam.Select Amos 5:2

3Quia hæc dicit Dominus Deus : Urbs de qua egrediebantur mille, relinquentur in ea centum ; et de qua egrediebantur centum, relinquentur in ea decem in domo Israël.Select Amos 5:3

4Quia hæc dicit Dominus domui Israël : Quærite me, et vivetis.Select Amos 5:4

5Et nolite quærere Bethel, et in Galgalam nolite intrare, et in Bersabee non transibitis, quia Galgala captiva ducetur, et Bethel erit inutilis.Select Amos 5:5

6Quærite Dominum, et vivite (ne forte comburatur ut ignis domus Joseph, et devorabit, et non erit qui extinguat Bethel :Select Amos 5:6

7qui convertitis in absinthium judicium, et justitiam in terra relinquitis) :Select Amos 5:7

8facientem Arcturum et Orionem, et convertentem in mane tenebras, et diem in noctem mutantem ; qui vocat aquas maris, et effundit eas super faciem terræ ; Dominus nomen est ejus :Select Amos 5:8

9qui subridet vastitatem super robustum, et depopulationem super potentem affert.Select Amos 5:9

10Odio habuerunt corripientem in porta, et loquentem perfecte abominati sunt.Select Amos 5:10

11Idcirco, pro eo quod diripiebatis pauperem, et prædam electam tollebatis ab eo, domos quadro lapide ædificabitis, et non habitabitis in eis ; vineas plantabis amantissimas, et non bibetis vinum earum.Select Amos 5:11

12Quia cognovi multa scelera vestra, et fortia peccata vestra : hostes justi, accipientes munus, et pauperes deprimentes in porta.Select Amos 5:12

13Ideo prudens in tempore illo tacebit, quia tempus malum est.Select Amos 5:13

14Quærite bonum, et non malum, ut vivatis ; et erit Dominus Deus exercituum vobiscum, sicut dixistis.Select Amos 5:14

15Odite malum et diligite bonum, et constituite in porta judicium : si forte misereatur Dominus Deus exercituum reliquiis Joseph.Select Amos 5:15

16Propterea hæc dicit Dominus Deus exercituum, dominator : In omnibus plateis planctus ; et in cunctis quæ foris sunt, dicetur : Væ, væ ! et vocabunt agricolam ad luctum, et ad planctum eos qui sciunt plangere.Select Amos 5:16

17Et in omnibus vineis erit planctus, quia pertransibo in medio tui, dicit Dominus.Select Amos 5:17

18Væ desiderantibus diem Domini ! ad quid eam vobis ? Dies Domini ista, tenebræ, et non lux.Select Amos 5:18

19Quomodo si fugiat vir a facie leonis, et occurrat ei ursus ; et ingrediatur domum, et innitatur manu sua super parietem, et mordeat eum coluber.Select Amos 5:19

20Numquid non tenebræ dies Domini, et non lux ; et caligo, et non splendor in ea ?Select Amos 5:20

21Odi, et projeci festivitates vestras, et non capiam odorem cœtuum vestrorum.Select Amos 5:21

22Quod si obtuleritis mihi holocautomata, et munera vestra, non suscipiam ; et vota pinguium vestrorum non respiciam.Select Amos 5:22

23Aufer a me tumultum carminum tuorum ; et cantica lyræ tuæ non audiam.Select Amos 5:23

24Et revelabitur quasi aqua judicium, et justitia quasi torrens fortis.Select Amos 5:24

25Numquid hostias et sacrificium obtulistis mihi in deserto quadraginta annis, domus Israël ?Select Amos 5:25

26et portastis tabernaculum Moloch vestro, et imaginem idolorum vestrorum, sidus dei vestri, quæ fecistis vobis.Select Amos 5:26

27Et migrare vos faciam trans Damascum, dicit Dominus : Deus exercituum nomen ejus.Select Amos 5:27