6Amos 6

1Væ qui opulenti estis in Sion, et confiditis in monte Samariæ : optimates capita populorum, ingredientes pompatice domum Israël !Select Amos 6:1

2Transite in Chalane, et videte, et ite inde in Emath magnam, et descendite in Geth Palæstinorum, et ad optima quæque regna horum : si latior terminus eorum termino vestro est.Select Amos 6:2

3Qui separati estis in diem malum, et appropinquatis solio iniquitatis ;Select Amos 6:3

4qui dormitis in lectis eburneis, et lascivitis in stratis vestris ; qui comeditis agnum de grege, et vitulos de medio armenti ;Select Amos 6:4

5qui canitis ad vocem psalterii, sicut David putaverunt se habere vasa cantici,Select Amos 6:5

6bibentes vinum in phialis, et optimo unguento delibuti, et nihil patiebantur super contritione Joseph.Select Amos 6:6

7Quapropter nunc migrabunt in capite transmigrantium, et auferetur factio lascivientium.Select Amos 6:7

8Juravit Dominus Deus in anima sua, dicit Dominus Deus exercituum : Detestor ego superbiam Jacob, et domos ejus odi, et tradam civitatem cum habitatoribus suis.Select Amos 6:8

9Quod si reliqui fuerint decem viri in domo una, et ipsi morientur.Select Amos 6:9

10Et tollet eum propinquus suus, et comburet eum, ut efferat ossa de domo ; et dicet ei, qui in penetralibus domus est : Numquid adhuc est penes te ?Select Amos 6:10

11Et respondebit : Finis est. Et dicet ei : Tace, et non recorderis nominis Domini.Select Amos 6:11

12Quia ecce Dominus mandabit, et percutiet domum majorem ruinis, et domum minorem scissionibus.Select Amos 6:12

13Numquid currere queunt in petris equi, aut arari potest in bubalis ? quoniam convertistis in amaritudinem judicium, et fructum justitiæ in absinthium.Select Amos 6:13

14Qui lætamini in nihilo ; qui dicitis : Numquid non in fortitudine nostra assumpsimus nobis cornua ?Select Amos 6:14

15Ecce enim suscitabo super vos, domus Israël, dicit Dominus Deus exercituum, gentem, et conteret vos ab introitu Emath usque ad torrentem deserti.Select Amos 6:15