1Colossians 1

1Paulus Apostolus Jesu Christi per voluntatem Dei, et Timotheus frater :Select Colossians 1:1

2eis, qui sunt Colossis, sanctis, et fidelibus fratribus in Christo Jesu.Select Colossians 1:2

3Gratia vobis, et pax a Deo Patre nostro, et Domino Jesu Christo. Gratias agimus Deo, et Patri Domini nostri Jesu Christi semper pro vobis orantes :Select Colossians 1:3

4audientes fidem vestram in Christo Jesu, et dilectionem quam habetis in sanctos omnesSelect Colossians 1:4

5propter spem, quæ reposita est vobis in cælis : quam audistis in verbo veritatis Evangelii :Select Colossians 1:5

6quod pervenit ad vos, sicut et in universo mundo est, et fructificat, et crescit sicut in vobis, ex ea die, qua audistis, et cognovistis gratiam Dei in veritate,Select Colossians 1:6

7sicut didicistis ab Epaphra carissimo conservo nostro, qui est fidelis pro vobis minister Christi Jesu,Select Colossians 1:7

8qui etiam manifestavit nobis dilectionem vestram in spiritu.Select Colossians 1:8

9Ideo et nos ex qua die audivimus, non cessamus pro vobis orantes, et postulantes ut impleamini agnitione voluntatis ejus, in omni sapientia et intellectu spiritali :Select Colossians 1:9

10ut ambuletis digne Deo per omnia placentes : in omni opere bono fructificantes, et crescentes in scientia Dei :Select Colossians 1:10

11in omni virtute confortati secundum potentiam claritatis ejus, in omni patientia et longanimitate cum gaudio,Select Colossians 1:11

12gratias agentes Deo Patri, qui dignos nos fecit in partem sortis sanctorum in lumine :Select Colossians 1:12

13qui eripuit nos de potestate tenebrarum, et transtulit in regnum filii dilectionis suæ,Select Colossians 1:13

14in quo habemus redemptionem per sanguinem ejus, remissionem peccatorum :Select Colossians 1:14

15qui est imago Dei invisibilis, primogenitus omnis creaturæ :Select Colossians 1:15

16quoniam in ipso condita sunt universa in cælis, et in terra, visibilia, et invisibilia, sive throni, sive dominationes, sive principatus, sive potestates : omnia per ipsum et in ipso creata sunt :Select Colossians 1:16

17et ipse est ante omnes, et omnia in ipso constant.Select Colossians 1:17

18Et ipse est caput corporis Ecclesiæ, qui est principium, primogenitus ex mortuis : ut sit in omnibus ipse primatum tenens :Select Colossians 1:18

19quia in ipso complacuit, omnem plenitudinem inhabitare :Select Colossians 1:19

20et per eum reconciliare omnia in ipsum, pacificans per sanguinem crucis ejus, sive quæ in terris, sive quæ in cælis sunt.Select Colossians 1:20

21Et vos cum essetis aliquando alienati, et inimici sensu in operibus malis :Select Colossians 1:21

22nunc autem reconciliavit in corpore carnis ejus per mortem, exhibere vos sanctos, et immaculatos, et irreprehensibiles coram ipso :Select Colossians 1:22

23si tamen permanetis in fide fundati, et stabiles, et immobiles a spe Evangelii, quod audistis, quod prædicatum est in universa creatura, quæ sub cælo est, cujus factus sum ego Paulus minister.Select Colossians 1:23

24Qui nunc gaudeo in passionibus pro vobis, et adimpleo ea quæ desunt passionum Christi, in carne mea pro corpore ejus, quod est Ecclesia :Select Colossians 1:24

25cujus factus sum ego minister secundum dispensationem Dei, quæ data est mihi in vos, ut impleam verbum Dei :Select Colossians 1:25

26mysterium, quod absconditum fuit a sæculis, et generationibus, nunc autem manifestatum est sanctis ejus,Select Colossians 1:26

27quibus voluit Deus notas facere divitias gloriæ sacramenti hujus in gentibus, quod est Christus, in vobis spes gloriæ,Select Colossians 1:27

28quem nos annuntiamus, corripientes omnem hominem, et docentes omnem hominem, in omni sapientia, ut exhibeamus omnem hominem perfectum in Christo Jesu :Select Colossians 1:28

29in quo et laboro, certando secundum operationem ejus, quam operatur in me in virtute.Select Colossians 1:29