3Colossians 3

1Igitur, si consurrexistis cum Christo : quæ sursum sunt quærite, ubi Christus est in dextera Dei sedens :Select Colossians 3:1

2quæ sursum sunt sapite, non quæ super terram.Select Colossians 3:2

3Mortui enim estis, et vita vestra est abscondita cum Christo in Deo.Select Colossians 3:3

4Cum Christus apparuerit, vita vestra : tunc et vos apparebitis cum ipso in gloria.Select Colossians 3:4

5Mortificate ergo membra vestra, quæ sunt super terram : fornicationem, immunditiam, libidinem, concupiscentiam malam, et avaritiam, quæ est simulacrorum servitus :Select Colossians 3:5

6propter quæ venit ira Dei super filios incredulitatis :Select Colossians 3:6

7in quibus et vos ambulastis aliquando, cum viveretis in illis.Select Colossians 3:7

8Nunc autem deponite et vos omnia : iram, indignationem, malitiam, blasphemiam, turpem sermonem de ore vestro.Select Colossians 3:8

9Nolite mentiri invicem, expoliantes vos veterem hominem cum actibus suis,Select Colossians 3:9

10et induentes novum eum, qui renovatur in agnitionem secundum imaginem ejus qui creavit illum :Select Colossians 3:10

11ubi non est gentilis et Judæus, circumcisio et præputium, Barbarus et Scytha, servus et liber : sed omnia, et in omnibus Christus.Select Colossians 3:11

12Induite vos ergo, sicut electi Dei, sancti, et dilecti, viscera misericordiæ, benignitatem, humilitatem, modestiam, patientiam :Select Colossians 3:12

13supportantes invicem, et donantes vobismetipsis si quis adversus aliquem habet querelam : sicut et Dominus donavit vobis, ita et vos.Select Colossians 3:13

14Super omnia autem hæc, caritatem habete, quod est vinculum perfectionis :Select Colossians 3:14

15et pax Christi exsultet in cordibus vestris, in qua et vocati estis in uno corpore : et grati estote.Select Colossians 3:15

16Verbum Christi habitet in vobis abundanter, in omni sapientia, docentes, et commonentes vosmetipsos, psalmis, hymnis, et canticis spiritualibus, in gratia cantantes in cordibus vestris Deo.Select Colossians 3:16

17Omne, quodcumque facitis in verbo aut in opere, omnia in nomine Domini Jesu Christi, gratias agentes Deo et Patri per ipsum.Select Colossians 3:17

18Mulieres, subditæ estote viris, sicut oportet, in Domino.Select Colossians 3:18

19Viri, diligite uxores vestras, et nolite amari esse ad illas.Select Colossians 3:19

20Filii, obedite parentibus per omnia : hoc enim placitum est in Domino.Select Colossians 3:20

21Patres, nolite ad indignationem provocare filios vestros, ut non pusillo animo fiant.Select Colossians 3:21

22Servi, obedite per omnia dominis carnalibus, non ad oculum servientes, quasi hominibus placentes, sed in simplicitate cordis, timentes Deum.Select Colossians 3:22

23Quodcumque facitis, ex animo operamini sicut Domino, et non hominibus :Select Colossians 3:23

24scientes quod a Domino accipietis retributionem hæreditatis. Domino Christo servite.Select Colossians 3:24

25Qui enim injuriam facit, recipiet id quod inique gessit : et non est personarum acceptio apud Deum.Select Colossians 3:25