12Daniel 12

1In tempore autem illo consurget Michaël princeps magnus, qui stat pro filiis populi tui : et veniet tempus quale non fuit ab eo ex quo gentes esse cœperunt usque ad tempus illud. Et in tempore illo salvabitur populus tuus, omnis qui inventus fuerit scriptus in libro.Select Daniel 12:1

2Et multi de his qui dormiunt in terræ pulvere evigilabunt, alii in vitam æternam, et alii in opprobrium ut videant semper.Select Daniel 12:2

3Qui autem docti fuerint, fulgebunt quasi splendor firmamenti : et qui ad justitiam erudiunt multos, quasi stellæ in perpetuas æternitates.Select Daniel 12:3

4Tu autem Daniel, claude sermones, et signa librum usque ad tempus statutum : plurimi pertransibunt, et multiplex erit scientia.Select Daniel 12:4

5Et vidi ego Daniel, et ecce quasi duo alii stabant : unus hinc super ripam fluminis, et alius inde ex altera ripa fluminis.Select Daniel 12:5

6Et dixi viro qui erat indutus lineis, qui stabat super aquas fluminis : Usquequo finis horum mirabilium ?Select Daniel 12:6

7Et audivi virum qui indutus erat lineis, qui stabat super aquas fluminis, cum elevasset dexteram et sinistram suam in cælum, et jurasset per viventem in æternum, quia in tempus, et tempora, et dimidium temporis. Et cum completa fuerit dispersio manus populi sancti, complebuntur universa hæc.Select Daniel 12:7

8Et ego audivi, et non intellexi. Et dixi : Domine mi, quid erit post hæc ?Select Daniel 12:8

9Et ait : Vade, Daniel, quia clausi sunt signatique sermones usque ad præfinitum tempus.Select Daniel 12:9

10Eligentur, et dealbabuntur, et quasi ignis probabuntur multi : et impie agent impii, neque intelligent omnes impii : porro docti intelligent.Select Daniel 12:10

11Et a tempore cum ablatum fuerit juge sacrificium, et posita fuerit abominatio in desolationem, dies mille ducenti nonaginta.Select Daniel 12:11

12Beatus qui exspectat, et pervenit usque ad dies mille trecentos triginta quinque.Select Daniel 12:12

13Tu autem vade ad præfinitum : et requiesces, et stabis in sorte tua in finem dierum.Select Daniel 12:13