16Deuteronomy 16

1Observa mensem novarum frugum, et verni primum temporis, ut facias Phase Domino Deo tuo : quoniam in isto mense eduxit te Dominus Deus tuus de Ægypto nocte.Select Deuteronomy 16:1

2Immolabisque Phase Domino Deo tuo de ovibus, et de bobus, in loco quem elegerit Dominus Deus tuus, ut habitet nomen ejus ibi.Select Deuteronomy 16:2

3Non comedes in eo panem fermentatum : septem diebus comedes absque fermento afflictionis panem, quoniam in pavore egressus es de Ægypto : ut memineris diei egressionis tuæ de Ægypto, omnibus diebus vitæ tuæ.Select Deuteronomy 16:3

4Non apparebit fermentum in omnibus terminis tuis septem diebus, et non remanebit de carnibus ejus, quod immolatum est vespere in die primo, usque mane.Select Deuteronomy 16:4

5Non poteris immolare Phase in qualibet urbium tuarum, quas Dominus Deus tuus daturus est tibi,Select Deuteronomy 16:5

6sed in loco quem elegerit Dominus Deus tuus, ut habitet nomen ejus ibi : immolabis Phase vespere ad solis occasum, quando egressus es de Ægypto.Select Deuteronomy 16:6

7Et coques, et comedes in loco quem elegerit Dominus Deus tuus, maneque consurgens vades in tabernacula tua.Select Deuteronomy 16:7

8Sex diebus comedes azyma : et in die septima, quia collecta est Domini Dei tui, non facies opus.Select Deuteronomy 16:8

9Septem hebdomadas numerabis tibi ab ea die qua falcem in segetem miseris.Select Deuteronomy 16:9

10Et celebrabis diem festum hebdomadarum Domino Deo tuo, oblationem spontaneam manus tuæ, quam offeres juxta benedictionem Domini Dei tui :Select Deuteronomy 16:10

11et epulaberis coram Domino Deo tuo, tu, filius tuus et filia tua, servus tuus et ancilla tua, et Levites qui est intra portas tuas, advena ac pupillus et vidua, qui morantur vobiscum : in loco quem elegerit Dominus Deus tuus, ut habitet nomen ejus ibi.Select Deuteronomy 16:11

12Et recordaberis quoniam servus fueris in Ægypto : custodiesque ac facies quæ præcepta sunt.Select Deuteronomy 16:12

13Solemnitatem quoque tabernaculorum celebrabis per septem dies, quando collegeris de area et torculari fruges tuas :Select Deuteronomy 16:13

14et epulaberis in festivitate tua, tu, filius tuus et filia, servus tuus et ancilla, Levites quoque et advena, pupillus et vidua qui intra portas tuas sunt.Select Deuteronomy 16:14

15Septem diebus Domino Deo tuo festa celebrabis in loco quem elegerit Dominus : benedicetque tibi Dominus Deus tuus in cunctis frugibus tuis, et in omni opere manuum tuarum, erisque in lætitia.Select Deuteronomy 16:15

16Tribus vicibus per annum apparebit omne masculinum tuum in conspectu Domini Dei tui in loco quem elegerit : in solemnitate azymorum, in solemnitate hebdomadarum, et in solemnitate tabernaculorum. Non apparebit ante Dominum vacuus :Select Deuteronomy 16:16

17sed offeret unusquisque secundum quod habuerit juxta benedictionem Domini Dei sui, quam dederit ei.Select Deuteronomy 16:17

18Judices et magistros constitues in omnibus portis tuis, quas Dominus Deus tuus dederit tibi, per singulas tribus tuas : ut judicent populum justo judicio,Select Deuteronomy 16:18

19nec in alteram partem declinent. Non accipies personam, nec munera : quia munera excæcant oculos sapientum, et mutant verba justorum.Select Deuteronomy 16:19

20Juste quod justum est persequeris : ut vivas, et possideas terram, quam Dominus Deus tuus dederit tibi.Select Deuteronomy 16:20

21Non plantabis lucum, et omnem arborem juxta altare Domini Dei tui.Select Deuteronomy 16:21

22Nec facies tibi, neque constitues statuam : quæ odit Dominus Deus tuus.Select Deuteronomy 16:22