19Deuteronomy 19

1Cum disperdiderit Dominus Deus tuus gentes, quarum tibi traditurus est terram, et possederis eam, habitaverisque in urbibus ejus et in ædibus :Select Deuteronomy 19:1

2tres civitates separabis tibi in medio terræ, quam Dominus Deus tuus dabit tibi in possessionem,Select Deuteronomy 19:2

3sternens diligenter viam : et in tres æqualiter partes totam terræ tuæ provinciam divides : ut habeat e vicino qui propter homicidium profugus est, quo possit evadere.Select Deuteronomy 19:3

4Hæc erit lex homicidæ fugientis, cujus vita servanda est : qui percusserit proximum suum nesciens, et qui heri et nudiustertius nullum contra eum odium habuisse comprobatur :Select Deuteronomy 19:4

5sed abiisse cum eo simpliciter in silvam ad ligna cædenda, et in succisione lignorum securis fugerit manu, ferrumque lapsum de manubrio amicum ejus percusserit, et occiderit : hic ad unam supradictarum urbium confugiet, et vivet :Select Deuteronomy 19:5

6ne forsitan proximus ejus, cujus effusus est sanguis, dolore stimulatus, persequatur, et apprehendat eum si longior via fuerit, et percutiat animam ejus, qui non est reus mortis : quia nullum contra eum, qui occisus est, odium prius habuisse monstratur.Select Deuteronomy 19:6

7Idcirco præcipio tibi, ut tres civitates æqualis inter se spatii dividas.Select Deuteronomy 19:7

8Cum autem dilataverit Dominus Deus tuus terminos tuos, sicut juravit patribus tuis, et dederit tibi cunctam terram, quam eis pollicitus estSelect Deuteronomy 19:8

9(si tamen custodieris mandata ejus, et feceris, quæ hodie præcipio tibi, ut diligas Dominum Deum tuum, et ambules in viis ejus omni tempore), addes tibi tres alias civitates, et supradictarum trium urbium numerum duplicabis :Select Deuteronomy 19:9

10ut non effundatur sanguis innoxius in medio terræ, quam Dominus Deus tuus dabit tibi possidendam, ne sis sanguinis reus.Select Deuteronomy 19:10

11Si quis autem, odio habens proximum suum, insidiatus fuerit vitæ ejus, surgensque percusserit illum, et mortuus fuerit, fugeritque ad unam de supradictis urbibus,Select Deuteronomy 19:11

12mittent seniores civitatis illius, et arripient eum de loco effugii, tradentque in manu proximi, cujus sanguis effusus est, et morietur.Select Deuteronomy 19:12

13Non miseraberis ejus, et auferes innoxium sanguinem de Israël, ut bene sit tibi.Select Deuteronomy 19:13

14Non assumes, et transferes terminos proximi tui, quos fixerunt priores in possessione tua, quam Dominus Deus tuus dabit tibi in terra quam acceperis possidendam.Select Deuteronomy 19:14

15Non stabit testis unus contra aliquem, quidquid illud peccati, et facinoris fuerit : sed in ore duorum aut trium testium stabit omne verbum.Select Deuteronomy 19:15

16Si steterit testis mendax contra hominem, accusans eum prævaricationis,Select Deuteronomy 19:16

17stabunt ambo, quorum causa est, ante Dominum in conspectu sacerdotum et judicum qui fuerint in diebus illis.Select Deuteronomy 19:17

18Cumque diligentissime perscrutantes, invenerint falsum testem dixisse contra fratrem suum mendacium,Select Deuteronomy 19:18

19reddent ei sicut fratri suo facere cogitavit, et auferes malum de medio tui :Select Deuteronomy 19:19

20ut audientes ceteri timorem habeant, et nequaquam talia audeant facere.Select Deuteronomy 19:20

21Non misereberis ejus, sed animam pro anima, oculum pro oculo, dentem pro dente, manum pro manu, pedem pro pede exiges.Select Deuteronomy 19:21