21Deuteronomy 21

1Quando inventum fuerit in terra, quam Dominus Deus tuus daturus est tibi, hominis cadaver occisi, et ignorabitur cædis reus,Select Deuteronomy 21:1

2egredientur majores natu, et judices tui, et metientur a loco cadaveris singularum per circuitum spatia civitatum :Select Deuteronomy 21:2

3et quam viciniorem ceteris esse perspexerint, seniores civitatis illius tollent vitulam de armento, quæ non traxit jugum, nec terram scidit vomere,Select Deuteronomy 21:3

4et ducent eam ad vallem asperam atque saxosam, quæ numquam arata est, nec sementem recepit : et cædent in ea cervices vitulæ :Select Deuteronomy 21:4

5accedentque sacerdotes filii Levi, quos elegerit Dominus Deus tuus ut ministrent ei, et benedicant in nomine ejus, et ad verbum eorum omne negotium, et quidquid mundum, vel immundum est, judicetur.Select Deuteronomy 21:5

6Et venient majores natu civitatis illius ad interfectum, lavabuntque manus suas super vitulam, quæ in valle percussa est,Select Deuteronomy 21:6

7et dicent : Manus nostræ non effuderunt sanguinem hunc, nec oculi viderunt :Select Deuteronomy 21:7

8propitius esto populo tuo Israël, quem redemisti, Domine, et ne reputes sanguinem innocentem in medio populi tui Israël. Et auferetur ab eis reatus sanguinis :Select Deuteronomy 21:8

9tu autem alienus eris ab innocentis cruore, qui fusus est, cum feceris quod præcepit Dominus.Select Deuteronomy 21:9

10Si egressus fueris ad pugnam contra inimicos tuos, et tradiderit eos Dominus Deus tuus in manu tua, captivosque duxeris,Select Deuteronomy 21:10

11et videris in numero captivorum mulierem pulchram, et adamaveris eam, voluerisque habere uxorem,Select Deuteronomy 21:11

12introduces eam in domum tuam : quæ radet cæsariem, et circumcidet ungues,Select Deuteronomy 21:12

13et deponet vestem, in qua capta est : sedensque in domo tua, flebit patrem et matrem suam uno mense : et postea intrabis ad eam, dormiesque cum illa, et erit uxor tua.Select Deuteronomy 21:13

14Si autem postea non sederit animo tuo, dimittes eam liberam, nec vendere poteris pecunia, nec opprimere per potentiam : quia humiliasti eam.Select Deuteronomy 21:14

15Si habuerit homo uxores duas, unam dilectam, et alteram odiosam, genuerintque ex eo liberos, et fuerit filius odiosæ primogenitus,Select Deuteronomy 21:15

16volueritque substantiam inter filios suos dividere, non poterit filium dilectæ facere primogenitum, et præferre filio odiosæ :Select Deuteronomy 21:16

17sed filium odiosæ agnoscet primogenitum, dabitque ei de his quæ habuerit cuncta duplicia : iste est enim principium liberorum ejus, et huic debentur primogenita.Select Deuteronomy 21:17

18Si genuerit homo filium contumacem et protervum, qui non audiat patris aut matris imperium, et coërcitus obedire contempserit :Select Deuteronomy 21:18

19apprehendent eum, et ducent ad seniores civitatis illius, et ad portam judicii,Select Deuteronomy 21:19

20dicentque ad eos : Filius noster iste protervus et contumax est : monita nostra audire contemnit, comessationibus vacat, et luxuriæ atque conviviis :Select Deuteronomy 21:20

21lapidibus eum obruet populus civitatis, et morietur, ut auferatis malum de medio vestri, et universus Israël audiens pertimescat.Select Deuteronomy 21:21

22Quando peccaverit homo quod morte plectendum est, et adjudicatus morti appensus fuerit in patibulo :Select Deuteronomy 21:22

23non permanebit cadaver ejus in ligno, sed in eadem die sepelietur : quia maledictus a Deo est qui pendet in ligno : et nequaquam contaminabis terram tuam, quam Dominus Deus tuus dederit tibi in possessionem.Select Deuteronomy 21:23