11Ecclesiastes 11

1Mitte panem tuum super transeuntes aquas, quia post tempora multa invenies illum.Select Ecclesiastes 11:1

2Da partem septem necnon et octo, quia ignoras quid futurum sit mali super terram.Select Ecclesiastes 11:2

3Si repletæ fuerint nubes, imbrem super terram effundent. Si ceciderit lignum ad austrum aut ad aquilonem, in quocumque loco ceciderit, ibi erit.Select Ecclesiastes 11:3

4Qui observat ventum non seminat ; et qui considerat nubes numquam metet.Select Ecclesiastes 11:4

5Quomodo ignoras quæ sit via spiritus, et qua ratione compingantur ossa in ventre prægnantis, sic nescis opera Dei, qui fabricator est omnium.Select Ecclesiastes 11:5

6Mane semina semen tuum, et vespere ne cesset manus tua : quia nescis quid magis oriatur, hoc aut illud ; et si utrumque simul, melius erit.Select Ecclesiastes 11:6

7Dulce lumen, et delectabile est oculis videre solem.Select Ecclesiastes 11:7

8Si annis multis vixerit homo, et in his omnibus lætatus fuerit, meminisse debet tenebrosi temporis, et dierum multorum, qui cum venerint, vanitatis arguentur præterita.Select Ecclesiastes 11:8

9Lætare ergo, juvenis, in adolescentia tua, et in bono sit cor tuum in diebus juventutis tuæ : et ambula in viis cordis tui, et in intuitu oculorum tuorum, et scito quod pro omnibus his adducet te Deus in judicium.Select Ecclesiastes 11:9

10Aufer iram a corde tuo, et amove malitiam a carne tua : adolescentia enim et voluptas vana sunt.Select Ecclesiastes 11:10