37Exodus 37

1Fecit autem Beseleel et arcam de lignis setim, habentem duos semis cubitos in longitudine, et cubitum ac semissem in latitudine, altitudo quoque unius cubiti fuit et dimidii : vestivitque eam auro purissimo intus ac foris.Select Exodus 37:1

2Et fecit illi coronam auream per gyrum,Select Exodus 37:2

3conflans quatuor annulos aureos per quatuor angulos ejus : duos annulos in latere uno, et duos in altero.Select Exodus 37:3

4Vectes quoque fecit de lignis setim, quos vestivit auro,Select Exodus 37:4

5et quos misit in annulos, qui erant in lateribus arcæ ad portandum eam.Select Exodus 37:5

6Fecit et propitiatorium, id est, oraculum, de auro mundissimo, duorum cubitorum et dimidii in longitudine, et cubiti ac semis in latitudine.Select Exodus 37:6

7Duos etiam cherubim ex auro ductili, quos posuit ex utraque parte propitiatorii :Select Exodus 37:7

8cherub unum in summitate unius partis, et cherub alterum in summitate partis alterius : duos cherubim in singulis summitatibus propitiatorii,Select Exodus 37:8

9extendentes alas, et tegentes propitiatorium, seque mutuo et illud respicientes.Select Exodus 37:9

10Fecit et mensam de lignis setim in longitudine duorum cubitorum, et in latitudine unius cubiti, quæ habebat in altitudine cubitum ac semissem.Select Exodus 37:10

11Circumdeditque eam auro mundissimo, et fecit illi labium aureum per gyrum,Select Exodus 37:11

12ipsique labio coronam auream interrasilem quatuor digitorum, et super eamdem, alteram coronam auream.Select Exodus 37:12

13Fudit et quatuor circulos aureos, quos posuit in quatuor angulis per singulos pedes mensæSelect Exodus 37:13

14contra coronam : misitque in eos vectes, ut possit mensa portari.Select Exodus 37:14

15Ipsos quoque vectes fecit de lignis setim, et circumdedit eos auro.Select Exodus 37:15

16Et vasa ad diversos usus mensæ, acetabula, phialas, et cyathos, et thuribula, ex auro puro, in quibus offerenda sunt libamina.Select Exodus 37:16

17Fecit et candelabrum ductile de auro mundissimo, de cujus vecte calami, scyphi, sphærulæque, ac lilia procedebant :Select Exodus 37:17

18sex in utroque latere, tres calami ex parte una, et tres ex altera :Select Exodus 37:18

19tres scyphi in nucis modum per calamos singulos, sphærulæque simul et lilia : et tres scyphi instar nucis in calamo altero, sphærulæque simul et lilia. Æquum erat opus sex calamorum, qui procedebant de stipite candelabri.Select Exodus 37:19

20In ipso autem vecte erant quatuor scyphi in nucis modum, sphærulæque per singulos simul et lilia :Select Exodus 37:20

21et sphærulæ sub duobus calamis per loca tria, qui simul sex fiunt calami procedentes de vecte uno.Select Exodus 37:21

22Et sphærulæ igitur, et calami ex ipso erant, universa ductilia ex auro purissimo.Select Exodus 37:22

23Fecit et lucernas septem cum emunctoriis suis, et vasa ubi ea, quæ emuncta sunt, extinguantur, de auro mundissimo.Select Exodus 37:23

24Talentum auri appendebat candelabrum cum omnibus vasis suis.Select Exodus 37:24

25Fecit et altare thymiamatis de lignis setim, per quadrum singulos habens cubitos, et in altitudine duos : e cujus angulis procedebant cornua.Select Exodus 37:25

26Vestivitque illud auro purissimo cum craticula ac parietibus et cornibus.Select Exodus 37:26

27Fecitque ei coronam aureolam per gyrum, et duos annulos aureos sub corona per singula latera, ut mittantur in eos vectes, et possit altare portari.Select Exodus 37:27

28Ipsos autem vectes fecit de lignis setim, et operuit laminis aureis.Select Exodus 37:28

29Composuit et oleum ad sanctificationis unguentum, et thymiama de aromatibus mundissimis opere pigmentarii.Select Exodus 37:29