39Exodus 39

1De hyacintho vero et purpura, vermiculo ac bysso, fecit vestes, quibus indueretur Aaron quando ministrabat in sanctis, sicut præcepit Dominus Moysi.Select Exodus 39:1

2Fecit igitur superhumerale de auro, hyacintho, et purpura, coccoque bis tincto, et bysso retorta,Select Exodus 39:2

3opere polymitario : inciditque bracteas aureas, et extenuavit in fila, ut possent torqueri cum priorum colorum subtegmine,Select Exodus 39:3

4duasque oras sibi invicem copulatas in utroque latere summitatum,Select Exodus 39:4

5et balteum ex eisdem coloribus, sicut præceperat Dominus Moysi.Select Exodus 39:5

6Paravit et duos lapides onychinos, astrictos et inclusos auro, et sculptos arte gemmaria nominibus filiorum Israël :Select Exodus 39:6

7posuitque eos in lateribus superhumeralis in monimentum filiorum Israël, sicut præceperat Dominus Moysi.Select Exodus 39:7

8Fecit et rationale opere polymito juxta opus superhumeralis, ex auro, hyacintho, purpura, coccoque bis tincto, et bysso retorta :Select Exodus 39:8

9quadrangulum, duplex, mensuræ palmi.Select Exodus 39:9

10Et posuit in eo gemmarum ordines quatuor. In primo versu erat sardius, topazius, smaragdus.Select Exodus 39:10

11In secundo, carbunculus, sapphirus, et jaspis.Select Exodus 39:11

12In tertio, ligurius, achates, et amethystus.Select Exodus 39:12

13In quarto, chrysolithus, onychinus, et beryllus, circumdati et inclusi auro per ordines suos.Select Exodus 39:13

14Ipsique lapides duodecim sculpti erant nominibus duodecim tribuum Israël, singuli per nomina singulorum.Select Exodus 39:14

15Fecerunt in rationali et catenulas sibi invicem cohærentes, de auro purissimo :Select Exodus 39:15

16et duos uncinos, totidemque annulos aureos. Porro annulos posuerunt in utroque latere rationalis,Select Exodus 39:16

17e quibus penderent duæ catenæ aureæ, quas inseruerunt uncinis, qui in superhumeralis angulis eminebant.Select Exodus 39:17

18Hæc et ante et retro ita conveniebant sibi, ut superhumerale et rationale mutuo necterentur,Select Exodus 39:18

19stricta ad balteum et annulis fortius copulata, quos jungebat vitta hyacinthina, ne laxa fluerent, et a se invicem moverentur, sicut præcepit Dominus Moysi.Select Exodus 39:19

20Feceruntque quoque tunicam superhumeralis totam hyacinthinam,Select Exodus 39:20

21et capitium in superiori parte contra medium, oramque per gyrum capitii textilem :Select Exodus 39:21

22deorsum autem ad pedes mala punica ex hyacintho, purpura, vermiculo, ac bysso retorta :Select Exodus 39:22

23et tintinnabula de auro purissimo, quæ posuerunt inter malogranata, in extrema parte tunicæ per gyrum :Select Exodus 39:23

24tintinnabulum autem aureum, et malum punicum, quibus ornatus incedebat pontifex quando ministerio fungebatur, sicut præceperat Dominus Moysi.Select Exodus 39:24

25Fecerunt et tunicas byssinas opere textili Aaron et filiis ejus :Select Exodus 39:25

26et mitras cum coronulis suis ex bysso :Select Exodus 39:26

27feminalia quoque linea, byssina :Select Exodus 39:27

28cingulum vero de bysso retorta, hyacintho, purpura, ac vermiculo bis tincto, arte plumaria, sicut præceperat Dominus Moysi.Select Exodus 39:28

29Fecerunt et laminam sacræ venerationis de auro purissimo, scripseruntque in ea opere gemmario, Sanctum Domini :Select Exodus 39:29

30et strinxerunt eam cum mitra vitta hyacinthina, sicut præceperat Dominus Moysi.Select Exodus 39:30

31Perfectum est igitur omne opus tabernaculi et tecti testimonii : feceruntque filii Israël cuncta quæ præceperat Dominus Moysi.Select Exodus 39:31

32Et obtulerunt tabernaculum et tectum et universam supellectilem, annulos, tabulas, vectes, columnas ac bases,Select Exodus 39:32

33opertorium de pellibus arietum rubricatis, et aliud operimentum de janthinis pellibus,Select Exodus 39:33

34velum ; arcam, vectes, propitiatorium,Select Exodus 39:34

35mensam cum vasis suis et propositionis panibus ;Select Exodus 39:35

36candelabrum, lucernas, et utensilia earum cum oleo ;Select Exodus 39:36

37altare aureum, et unguentum, et thymiama ex aromatibus,Select Exodus 39:37

38et tentorium in introitu tabernaculi ;Select Exodus 39:38

39altare æneum, retiaculum, vectes, et vasa ejus omnia ; labrum cum basi sua ; tentoria atrii, et columnas cum basibus suis ;Select Exodus 39:39

40tentorium in introitu atrii, funiculosque illius et paxillos. Nihil ex vasis defuit, quæ in ministerium tabernaculi, et in tectum fœderis jussa sunt fieri.Select Exodus 39:40

41Vestes quoque, quibus sacerdotes utuntur in sanctuario, Aaron scilicet et filii ejus,Select Exodus 39:41

42obtulerunt filii Israël, sicut præceperat Dominus.Select Exodus 39:42

43Quæ postquam Moyses cuncta vidit completa, benedixit eis.Select Exodus 39:43