4Exodus 4

1Respondens Moyses ait : Non credent mihi, neque audient vocem meam, sed dicent : Non apparuit tibi Dominus.Select Exodus 4:1

2Dixit ergo ad eum : Quid est quod tenes in manu tua ? Respondit : Virga.Select Exodus 4:2

3Dixitque Dominus : Projice eam in terram. Projecit, et versa est in colubrum, ita ut fugeret Moyses.Select Exodus 4:3

4Dixitque Dominus : Extende manum tuam, et apprehende caudam ejus. Extendit, et tenuit, versaque est in virgam.Select Exodus 4:4

5Ut credant, inquit, quod apparuerit tibi Dominus Deus patrum suorum, Deus Abraham, Deus Isaac et Deus Jacob.Select Exodus 4:5

6Dixitque Dominus rursum : Mitte manum tuam in sinum tuum. Quam cum misisset in sinum, protulit leprosam instar nivis.Select Exodus 4:6

7Retrahe, ait, manum tuam in sinum tuum. Retraxit, et protulit iterum, et erat similis carni reliquæ.Select Exodus 4:7

8Si non crediderint, inquit, tibi, neque audierint sermonem signi prioris, credent verbo signi sequentis.Select Exodus 4:8

9Quod si nec duobus quidem his signis crediderint, neque audierint vocem tuam : sume aquam fluminis, et effunde eam super aridam, et quidquid hauseris de fluvio, vertetur in sanguinem.Select Exodus 4:9

10Ait Moyses : Obsecro, Domine, non sum eloquens ab heri et nudiustertius : et ex quo locutus es ad servum tuum, impeditioris et tardioris linguæ sum.Select Exodus 4:10

11Dixit Dominus ad eum : Quis fecit os hominis ? aut quis fabricatus est mutum et surdum, videntem et cæcum ? nonne ego ?Select Exodus 4:11

12Perge, igitur, et ego ero in ore tuo : doceboque te quid loquaris.Select Exodus 4:12

13At ille : Obsecro, inquit, Domine, mitte quem missurus es.Select Exodus 4:13

14Iratus Dominus in Moysen, ait : Aaron frater tuus Levites, scio quod eloquens sit : ecce ipse egreditur in occursum tuum, vidensque te lætabitur corde.Select Exodus 4:14

15Loquere ad eum, et pone verba mea in ore ejus : et ego ero in ore tuo, et in ore illius, et ostendam vobis quid agere debeatis.Select Exodus 4:15

16Ipse loquetur pro te ad populum, et erit os tuum : tu autem eris ei in his quæ ad Deum pertinent.Select Exodus 4:16

17Virgam quoque hanc sume in manu tua, in qua facturus es signa.Select Exodus 4:17

18Abiit Moyses, et reversus est ad Jethro socerum suum, dixitque ei : Vadam et revertar ad fratres meos in Ægyptum, ut videam si adhuc vivant. Cui ait Jethro : Vade in pace.Select Exodus 4:18

19Dixit ergo Dominus ad Moysen in Madian : Vade, et revertere in Ægyptum, mortui sunt enim omnes qui quærebant animam tuam.Select Exodus 4:19

20Tulit ergo Moyses uxorem suam, et filios suos, et imposuit eos super asinum : reversusque est in Ægyptum, portans virgam Dei in manu sua.Select Exodus 4:20

21Dixitque ei Dominus revertenti in Ægyptum : Vide ut omnia ostenta quæ posui in manu tua, facias coram Pharaone : ego indurabo cor ejus, et non dimittet populum.Select Exodus 4:21

22Dicesque ad eum : Hæc dicit Dominus : Filius meus primogenitus Israël.Select Exodus 4:22

23Dixi tibi : Dimitte filium meum ut serviat mihi ; et noluisti dimittere eum : ecce ego interficiam filium tuum primogenitum.Select Exodus 4:23

24Cumque esset in itinere, in diversorio occurrit ei Dominus, et volebat occidere eum.Select Exodus 4:24

25Tulit idcirco Sephora acutissimam petram, et circumcidit præputium filii sui, tetigitque pedes ejus, et ait : Sponsus sanguinum tu mihi es.Select Exodus 4:25

26Et dimisit eum postquam dixerat : Sponsus sanguinum ob circumcisionem.Select Exodus 4:26

27Dixit autem Dominus ad Aaron : Vade in occursum Moysi in desertum. Qui perrexit obviam ei in montem Dei, et osculatus est eum.Select Exodus 4:27

28Narravitque Moyses Aaron omnia verba Domini quibus miserat eum, et signa quæ mandaverat.Select Exodus 4:28

29Veneruntque simul, et congregaverunt cunctos seniores filiorum Israël.Select Exodus 4:29

30Locutusque est Aaron omnia verba quæ dixerat Dominus ad Moysen : et fecit signa coram populo,Select Exodus 4:30

31et credidit populus. Audieruntque quod visitasset Dominus filios Israël, et respexisset afflictionem illorum : et proni adoraverunt.Select Exodus 4:31