6Exodus 6

1Dixitque Dominus ad Moysen : Nunc videbis quæ facturus sim Pharaoni : per manum enim fortem dimittet eos, et in manu robusta ejiciet illos de terra sua.Select Exodus 6:1

2Locutusque est Dominus ad Moysen dicens : Ego DominusSelect Exodus 6:2

3qui apparui Abraham, Isaac et Jacob in Deo omnipotente : et nomen meum Adonai non indicavi eis.Select Exodus 6:3

4Pepigique fœdus cum eis, ut darem eis terram Chanaan, terram peregrinationis eorum, in qua fuerunt advenæ.Select Exodus 6:4

5Ego audivi gemitum filiorum Israël, quo Ægyptii oppresserunt eos : et recordatus sum pacti mei.Select Exodus 6:5

6Ideo dic filiis Israël : Ego Dominus qui educam vos de ergastulo Ægyptiorum, et eruam de servitute, ac redimam in brachio excelso et judiciis magnis.Select Exodus 6:6

7Et assumam vos mihi in populum, et ero vester Deus : et scietis quod ego sum Dominus Deus vester qui eduxerim vos de ergastulo Ægyptiorum,Select Exodus 6:7

8et induxerim in terram, super quam levavi manum meam ut darem eam Abraham, Isaac et Jacob : daboque illam vobis possidendam. Ego Dominus.Select Exodus 6:8

9Narravit ergo Moyses omnia filiis Israël : qui non acquieverunt ei propter angustiam spiritus, et opus durissimum.Select Exodus 6:9

10Locutusque est Dominus ad Moysen, dicens :Select Exodus 6:10

11Ingredere, et loquere ad Pharaonem regem Ægypti, ut dimittat filios Israël de terra sua.Select Exodus 6:11

12Respondit Moyses coram Domino : Ecce filii Israël non audiunt me : et quomodo audiet Pharao, præsertim cum incircumcisus sim labiis ?Select Exodus 6:12

13Locutusque est Dominus ad Moysen et Aaron, et dedit mandatum ad filios Israël, et ad Pharaonem regem Ægypti ut educerent filios Israël de terra Ægypti.Select Exodus 6:13

14Isti sunt principes domorum per familias suas. Filii Ruben primogeniti Israëlis : Henoch et Phallu, Hesron et Charmi :Select Exodus 6:14

15hæ cognationes Ruben. Filii Simeon : Jamuel, et Jamin, et Ahod, et Jachin, et Soar, et Saul filius Chananitidis : hæ progenies Simeon.Select Exodus 6:15

16Et hæc nomina filiorum Levi per cognationes suas : Gerson, et Caath, et Merari. Anni autem vitæ Levi fuerunt centum triginta septem.Select Exodus 6:16

17Filii Gerson : Lobni et Semei, per cognationes suas.Select Exodus 6:17

18Filii Caath : Amram, et Isaar, et Hebron, et Oziel ; anni quoque vitæ Caath, centum triginta tres.Select Exodus 6:18

19Filii Merari : Moholi et Musi : hæ cognationes Levi per familias suas.Select Exodus 6:19

20Accepit autem Amram uxorem Jochabed patruelem suam : quæ peperit ei Aaron et Moysen. Fueruntque anni vitæ Amram, centum triginta septem.Select Exodus 6:20

21Filii quoque Isaar : Core, et Nepheg, et Zechri.Select Exodus 6:21

22Filii quoque Oziel : Misaël, et Elisaphan, et Sethri.Select Exodus 6:22

23Accepit autem Aaron uxorem Elisabeth filiam Aminadab, sororem Nahason, quæ peperit ei Nadab, et Abiu, et Eleazar, et Ithamar.Select Exodus 6:23

24Filii quoque Core : Aser, et Elcana, et Abiasaph : hæ sunt cognationes Coritarum.Select Exodus 6:24

25At vero Eleazar filius Aaron accepit uxorem de filiabus Phutiel : quæ peperit ei Phinees. Hi sunt principes familiarum Leviticarum per cognationes suas.Select Exodus 6:25

26Iste est Aaron et Moyses, quibus præcepit Dominus ut educerent filios Israël de terra Ægypti per turmas suas.Select Exodus 6:26

27Hi sunt, qui loquuntur ad Pharaonem regem Ægypti, ut educant filios Israël de Ægypto : iste est Moyses et Aaron,Select Exodus 6:27

28in die qua locutus est Dominus ad Moysen, in terra Ægypti.Select Exodus 6:28

29Et locutus est Dominus ad Moysen, dicens : Ego Dominus : loquere ad Pharaonem regem Ægypti, omnia quæ ego loquor tibi.Select Exodus 6:29

30Et ait Moyses coram Domino : En incircumcisus labiis sum, quomodo audiet me Pharao ?Select Exodus 6:30