28Ezekiel 28

1Et factus est sermo Domini ad me, dicens :Select Ezekiel 28:1

2Fili hominis, dic principi Tyri : Hæc dicit Dominus Deus : Eo quod elevatum est cor tuum, et dixisti : Deus ego sum, et in cathedra Dei sedi in corde maris, cum sis homo, et non deus : et dedisti cor tuum quasi cor Dei :Select Ezekiel 28:2

3ecce sapientior es tu Daniele : omne secretum non est absconditum a te :Select Ezekiel 28:3

4in sapientia et prudentia tua fecisti tibi fortitudinem, et acquisisti aurum et argentum in thesauris tuis :Select Ezekiel 28:4

5in multitudine sapientiæ tuæ, et in negotiatione tua multiplicasti tibi fortitudinem, et elevatum est cor tuum in robore tuo :Select Ezekiel 28:5

6propterea hæc dicit Dominus Deus : Eo quod elevatum est cor tuum quasi cor dei,Select Ezekiel 28:6

7idcirco ecce ego adducam super te alienos, robustissimos gentium : et nudabunt gladios suos super pulchritudinem sapientiæ tuæ, et polluent decorem tuum.Select Ezekiel 28:7

8Interficient, et detrahent te : et morieris in interitu occisorum in corde maris.Select Ezekiel 28:8

9Numquid dicens loqueris : Deus ego sum, coram interficientibus te, cum sis homo, et non deus, in manu occidentium te ?Select Ezekiel 28:9

10Morte incircumcisorum morieris in manu alienorum, quia ego locutus sum, ait Dominus Deus.Select Ezekiel 28:10

11Et factus est sermo Domini ad me, dicens : Fili hominis, leva planctum super regem Tyri,Select Ezekiel 28:11

12et dices ei : Hæc dicit Dominus Deus : Tu signaculum similitudinis, plenus sapientia, et perfectus decore.Select Ezekiel 28:12

13In deliciis paradisi Dei fuisti : omnis lapis pretiosus operimentum tuum, sardius, topazius, et jaspis, chrysolithus, et onyx, et beryllus, sapphirus, et carbunculus, et smaragdus : aurum, opus decoris tui : et foramina tua, in die qua conditus es, præparata sunt.Select Ezekiel 28:13

14Tu cherub extentus, et protegens, et posui te in monte sancto Dei : in medio lapidum ignitorum ambulasti,Select Ezekiel 28:14

15perfectus in viis tuis a die conditionis tuæ, donec inventa est iniquitas in te.Select Ezekiel 28:15

16In multitudine negotiationis tuæ repleta sunt interiora tua iniquitate, et peccasti : et ejeci te de monte Dei, et perdidi te, o cherub protegens, de medio lapidum ignitorum.Select Ezekiel 28:16

17Et elevatum est cor tuum in decore tuo ; perdidisti sapientiam tuam in decore tuo : in terram projeci te ; ante faciem regum dedi te ut cernerent te.Select Ezekiel 28:17

18In multitudine iniquitatum tuarum, et iniquitate negotiationis tuæ, polluisti sanctificationem tuam : producam ergo ignem de medio tui, qui comedat te, et dabo te in cinerem super terram, in conspectu omnium videntium te.Select Ezekiel 28:18

19Omnes qui viderint te in gentibus, obstupescent super te : nihili factus es, et non eris in perpetuum.Select Ezekiel 28:19

20Et factus est sermo Domini ad me, dicens :Select Ezekiel 28:20

21Fili hominis, pone faciem tuam contra Sidonem, et prophetabis de ea :Select Ezekiel 28:21

22et dices : Hæc dicit Dominus Deus : Ecce ego ad te, Sidon, et glorificabor in medio tui : et scient quia ego Dominus, cum fecero in ea judicia, et sanctificatus fuero in ea.Select Ezekiel 28:22

23Et immittam ei pestilentiam, et sanguinem in plateis ejus : et corruent interfecti in medio ejus gladio per circuitum, et scient quia ego Dominus.Select Ezekiel 28:23

24Et non erit ultra domui Israël offendiculum amaritudinis, et spina dolorem inferens undique per circuitum eorum qui adversantur eis : et scient quia ego Dominus Deus.Select Ezekiel 28:24

25Hæc dicit Dominus Deus : Quando congregavero domum Israël de populis in quibus dispersi sunt, sanctificabor in eis coram gentibus : et habitabunt in terra sua, quam dedi servo meo Jacob :Select Ezekiel 28:25

26et habitabunt in ea securi, et ædificabunt domos, et plantabunt vineas, et habitabunt confidenter, cum fecero judicia in omnibus qui adversantur eis per circuitum : et scient quia ego Dominus Deus eorum.Select Ezekiel 28:26