30Ezekiel 30

1Et factum est verbum Domini ad me, dicens :Select Ezekiel 30:1

2Fili hominis, propheta, et dic : Hæc dicit Dominus Deus : Ululate : Væ, væ diei !Select Ezekiel 30:2

3quia juxta est dies, et appropinquat dies Domini, dies nubis : tempus gentium erit.Select Ezekiel 30:3

4Et veniet gladius in Ægyptum, et erit pavor in Æthiopia, cum ceciderint vulnerati in Ægypto, et ablata fuerit multitudo illius, et destructa fundamenta ejus.Select Ezekiel 30:4

5Æthiopia, et Libya, et Lydi, et omne reliquum vulgus, et Chub, et filii terræ fœderis, cum eis gladio cadent.Select Ezekiel 30:5

6Hæc dicit Dominus Deus : Et corruent fulcientes Ægyptum, et destruetur superbia imperii ejus : a turre Syenes gladio cadent in ea, ait Dominus Deus exercituum.Select Ezekiel 30:6

7Et dissipabuntur in medio terrarum desolatarum, et urbes ejus in medio civitatum desertarum erunt :Select Ezekiel 30:7

8et scient quia ego Dominus, cum dedero ignem in Ægypto, et attriti fuerint omnes auxiliatores ejus.Select Ezekiel 30:8

9In die illa egredientur nuntii a facie mea in trieribus ad conterendam Æthiopiæ confidentiam : et erit pavor in eis in die Ægypti, quia absque dubio veniet.Select Ezekiel 30:9

10Hæc dicit Dominus Deus : Cessare faciam multitudinem Ægypti in manu Nabuchodonosor regis Babylonis.Select Ezekiel 30:10

11Ipse et populus ejus cum eo, fortissimi gentium, adducentur ad disperdendam terram : et evaginabunt gladios suos super Ægyptum, et implebunt terram interfectis.Select Ezekiel 30:11

12Et faciam alveos fluminum aridos, et tradam terram in manus pessimorum : et dissipabo terram et plenitudinem ejus manu alienorum : ego Dominus locutus sum.Select Ezekiel 30:12

13Hæc dicit Dominus Deus : Et disperdam simulacra, et cessare faciam idola de Memphis : et dux de terra Ægypti non erit amplius, et dabo terrorem in terra Ægypti.Select Ezekiel 30:13

14Et disperdam terram Phathures, et dabo ignem in Taphnis, et faciam judicia in Alexandria.Select Ezekiel 30:14

15Et effundam indignationem meam super Pelusium, robur Ægypti, et interficiam multitudinem Alexandriæ.Select Ezekiel 30:15

16Et dabo ignem in Ægypto : quasi parturiens dolebit Pelusium, et Alexandria erit dissipata, et in Memphis angustiæ quotidianæ.Select Ezekiel 30:16

17Juvenes Heliopoleos et Bubasti gladio cadent, et ipsæ captivæ ducentur.Select Ezekiel 30:17

18Et in Taphnis nigrescet dies, cum contrivero ibi sceptra Ægypti, et defecerit in ea superbia potentiæ ejus : ipsam nubes operiet, filiæ autem ejus in captivitatem ducentur.Select Ezekiel 30:18

19Et judicia faciam in Ægypto : et scient quia ego Dominus.Select Ezekiel 30:19

20Et factum est in undecimo anno, in primo mense, in septima mensis : factum est verbum Domini ad me, dicens :Select Ezekiel 30:20

21Fili hominis, brachium Pharaonis regis Ægypti confregi, et ecce non est obvolutum ut restitueretur ei sanitas, ut ligaretur pannis, et fasciaretur linteolis, ut recepto robore posset tenere gladium.Select Ezekiel 30:21

22Propterea hæc dicit Dominus Deus : Ecce ego ad Pharaonem regem Ægypti, et comminuam brachium ejus forte, sed confractum : et dejiciam gladium de manu ejus,Select Ezekiel 30:22

23et dispergam Ægyptum in gentibus, et ventilabo eos in terris.Select Ezekiel 30:23

24Et confortabo brachia regis Babylonis, daboque gladium meum in manu ejus, et confringam brachia Pharaonis, et gement gemitibus interfecti coram facie ejus.Select Ezekiel 30:24

25Et confortabo brachia regis Babylonis, et brachia Pharaonis concident : et scient quia ego Dominus, cum dedero gladium meum in manu regis Babylonis, et extenderit eum super terram Ægypti.Select Ezekiel 30:25

26Et dispergam Ægyptum in nationes, et ventilabo eos in terras : et scient quia ego Dominus.Select Ezekiel 30:26