41Ezekiel 41

1Et introduxit me in templum, et mensus est frontes : sex cubitos latitudinis hinc, et sex cubitos latitudinis inde, latitudinem tabernaculi.Select Ezekiel 41:1

2Et latitudo portæ decem cubitorum erat : et latera portæ, quinque cubitis hinc, et quinque cubitis inde : et mensus est longitudinem ejus quadraginta cubitorum, et latitudinem viginti cubitorum.Select Ezekiel 41:2

3Et introgressus intrinsecus, mensus est in fronte portæ duos cubitos : et portam, sex cubitorum : et latitudinem portæ septem cubitorum.Select Ezekiel 41:3

4Et mensus est longitudinem ejus viginti cubitorum, et latitudinem ejus viginti cubitorum, ante faciem templi. Et dixit ad me : Hoc est Sanctum sanctorum.Select Ezekiel 41:4

5Et mensus est parietem domus sex cubitorum : et latitudinem lateris quatuor cubitorum undique per circuitum domus.Select Ezekiel 41:5

6Latera autem, latus ad latus, bis triginta tria : et erant eminentia, quæ ingrederentur per parietem domus, in lateribus per circuitum, ut continerent, et non attingerent parietem templi.Select Ezekiel 41:6

7Et platea erat in rotundum, ascendens sursum per cochleam, et in cœnaculum templi deferebat per gyrum : idcirco latius erat templum in superioribus : et sic de inferioribus ascendebatur ad superiora in medium.Select Ezekiel 41:7

8Et vidi in domo altitudinem per circuitum, fundata latera ad mensuram calami sex cubitorum spatio :Select Ezekiel 41:8

9et latitudinem per parietem lateris forinsecus quinque cubitorum : et erat interior domus in lateribus domus.Select Ezekiel 41:9

10Et inter gazophylacia latitudinem viginti cubitorum in circuitu domus undique,Select Ezekiel 41:10

11et ostium lateris ad orationem : ostium unum ad viam aquilonis, et ostium unum ad viam australem : et latitudinem loci ad orationem, quinque cubitorum in circuitu.Select Ezekiel 41:11

12Et ædificium, quod erat separatum, versumque ad viam respicientem ad mare, latitudinis septuaginta cubitorum : paries autem ædificii, quinque cubitorum latitudinis per circuitum : et longitudo ejus nonaginta cubitorum.Select Ezekiel 41:12

13Et mensus est domus longitudinem, centum cubitorum : et quod separatum erat ædificium, et parietes ejus, longitudinis centum cubitorum.Select Ezekiel 41:13

14Latitudo autem ante faciem domus, et ejus quod erat separatum contra orientem, centum cubitorum.Select Ezekiel 41:14

15Et mensus est longitudinem ædificii contra faciem ejus, quod erat separatum ad dorsum : ethecas ex utraque parte centum cubitorum : et templum interius, et vestibula atrii.Select Ezekiel 41:15

16Limina, et fenestras obliquas, et ethecas in circuitu per tres partes, contra uniuscujusque limen, stratumque ligno per gyrum in circuitu : terra autem usque ad fenestras, et fenestræ clausæ super ostia.Select Ezekiel 41:16

17Et usque ad domum interiorem, et forinsecus per omnem parietem in circuitu, intrinsecus et forinsecus, ad mensuram.Select Ezekiel 41:17

18Et fabrefacta cherubim et palmæ : et palma inter cherub et cherub, duasque facies habebat cherub.Select Ezekiel 41:18

19Faciem hominis juxta palmam ex hac parte, et faciem leonis juxta palmam ex alia parte : expressam per omnem domum in circuitu.Select Ezekiel 41:19

20De terra usque ad superiora portæ, cherubim et palmæ cælatæ erant in pariete templi.Select Ezekiel 41:20

21Limen quadrangulum, et facies sanctuarii, aspectus contra aspectum.Select Ezekiel 41:21

22Altaris lignei trium cubitorum altitudo, et longitudo ejus duorum cubitorum : et anguli ejus, et longitudo ejus, et parietes ejus lignei. Et locutus est ad me : Hæc est mensa coram Domino.Select Ezekiel 41:22

23Et duo ostia erant in templo et in sanctuario.Select Ezekiel 41:23

24Et in duobus ostiis ex utraque parte bina erant ostiola quæ in se invicem plicabantur : bina enim ostia erant ex utraque parte ostiorum.Select Ezekiel 41:24

25Et cælata erant in ipsis ostiis templi cherubim, et sculpturæ palmarum, sicut in parietibus quoque expressæ erant : quam ob rem et grossiora erant ligna in vestibuli fronte forinsecus.Select Ezekiel 41:25

26Super quæ fenestræ obliquæ, et similitudo palmarum hinc atque inde in humerulis vestibuli, secundum latera domus, latitudinemque parietum.Select Ezekiel 41:26