1Galatians 1

1Paulus, Apostolus non ab hominibus, neque per hominem, sed per Jesum Christum, et Deum Patrem, qui suscitavit eum a mortuis :Select Galatians 1:1

2et qui mecum sunt omnes fratres, ecclesiis Galatiæ.Select Galatians 1:2

3Gratia vobis, et pax a Deo Patre, et Domino nostro Jesu Christo,Select Galatians 1:3

4qui dedit semetipsum pro peccatis nostris, ut eriperet nos de præsenti sæculo nequam, secundum voluntatem Dei et Patris nostri,Select Galatians 1:4

5cui est gloria in sæcula sæculorum. Amen.Select Galatians 1:5

6Miror quod sic tam cito transferimini ab eo qui vos vocavit in gratiam Christi in aliud Evangelium :Select Galatians 1:6

7quod non est aliud, nisi sunt aliqui qui vos conturbant, et volunt convertere Evangelium Christi.Select Galatians 1:7

8Sed licet nos aut angelus de cælo evangelizet vobis præterquam quod evangelizavimus vobis, anathema sit.Select Galatians 1:8

9Sicut prædiximus, et nunc iterum dico : si quis vobis evangelizaverit præter id quod accepistis, anathema sit.Select Galatians 1:9

10Modo enim hominibus suadeo, an Deo ? an quæro hominibus placere ? si adhuc hominibus placerem, Christi servus non essem.Select Galatians 1:10

11Notum enim vobis facio, fratres, Evangelium, quod evangelizatum est a me, quia non est secundum hominem :Select Galatians 1:11

12neque enim ego ab homine accepi illud, neque didici, sed per revelationem Jesu Christi.Select Galatians 1:12

13Audistis enim conversationem meam aliquando in Judaismo : quoniam supra modum persequebar Ecclesiam Dei, et expugnabam illam,Select Galatians 1:13

14et proficiebam in Judaismo supra multos coætaneos meos in genere meo, abundantius æmulator existens paternarum mearum traditionum.Select Galatians 1:14

15Cum autem placuit ei, qui me segregavit ex utero matris meæ, et vocavit per gratiam suam,Select Galatians 1:15

16ut revelaret Filium suum in me, ut evangelizarem illum in gentibus : continuo non acquievi carni et sanguini,Select Galatians 1:16

17neque veni Jerosolymam ad antecessores meos Apostolos : sed abii in Arabiam, et iterum reversus sum Damascum :Select Galatians 1:17

18deinde post annos tres veni Jerosolymam videre Petrum, et mansi apud eum diebus quindecim :Select Galatians 1:18

19alium autem Apostolorum vidi neminem, nisi Jacobum fratrem Domini.Select Galatians 1:19

20Quæ autem scribo vobis, ecce coram Deo, quia non mentior.Select Galatians 1:20

21Deinde veni in partes Syriæ, et Ciliciæ.Select Galatians 1:21

22Eram autem ignotus facie ecclesiis Judææ, quæ erant in Christo :Select Galatians 1:22

23tantum autem auditum habebant quoniam qui persequebatur nos aliquando, nunc evangelizat fidem, quam aliquando expugnabat :Select Galatians 1:23

24et in me clarificabant Deum.Select Galatians 1:24