3Galatians 3

1O insensati Galatæ, quis vos fascinavit non obedire veritati, ante quorum oculos Jesus Christus præscriptus est, in vobis crucifixus ?Select Galatians 3:1

2Hoc solum a vobis volo discere : ex operibus legis Spiritum accepistis, an ex auditu fidei ?Select Galatians 3:2

3sic stulti estis, ut cum Spiritu cœperitis, nunc carne consummemini ?Select Galatians 3:3

4tanta passi estis sine causa ? si tamen sine causa.Select Galatians 3:4

5Qui ergo tribuit vobis Spiritum, et operatur virtutes in vobis : ex operibus legis, an ex auditu fidei ?Select Galatians 3:5

6Sicut scriptum est : Abraham credidit Deo, et reputatum est illi ad justitiam :Select Galatians 3:6

7cognoscite ergo quia qui ex fide sunt, ii sunt filii Abrahæ.Select Galatians 3:7

8Providens autem Scriptura quia ex fide justificat gentes Deus, prænuntiavit Abrahæ : Quia benedicentur in te omnes gentes.Select Galatians 3:8

9Igitur qui ex fide sunt, benedicentur cum fideli Abraham.Select Galatians 3:9

10Quicumque enim ex operibus legis sunt, sub maledicto sunt. Scriptum est enim : Maledictus omnis qui non permanserit in omnibus quæ scripta sunt in libro legis ut faciat ea.Select Galatians 3:10

11Quoniam autem in lege nemo justificatur apud Deum, manifestum est : quia justus ex fide vivit.Select Galatians 3:11

12Lex autem non est ex fide, sed : Qui fecerit ea, vivet in illis.Select Galatians 3:12

13Christus nos redemit de maledicto legis, factus pro nobis maledictum : quia scriptum est : Maledictus omnis qui pendet in ligno :Select Galatians 3:13

14ut in gentibus benedictio Abrahæ fieret in Christo Jesu, ut pollicitationem Spiritus accipiamus per fidem.Select Galatians 3:14

15Fratres (secundum hominem dico) tamen hominis confirmatum testamentum nemo spernit, aut superordinat.Select Galatians 3:15

16Abrahæ dictæ sunt promissiones, et semini ejus. Non dicit : Et seminibus, quasi in multis : sed quasi in uno : Et semini tuo, qui est Christus.Select Galatians 3:16

17Hoc autem dico, testamentum confirmatum a Deo : quæ post quadringentos et triginta annos facta est lex, non irritum facit ad evacuandam promissionem.Select Galatians 3:17

18Nam si ex lege hæreditas, jam non ex promissione. Abrahæ autem per repromissionem donavit Deus.Select Galatians 3:18

19Quid igitur lex ? Propter transgressiones posita est donec veniret semen, cui promiserat, ordinata per angelos in manu mediatoris.Select Galatians 3:19

20Mediator autem unius non est : Deus autem unus est.Select Galatians 3:20

21Lex ergo adversus promissa Dei ? Absit. Si enim data esset lex, quæ posset vivificare, vere ex lege esset justitia.Select Galatians 3:21

22Sed conclusit Scriptura omnia sub peccato, ut promissio ex fide Jesu Christi daretur credentibus.Select Galatians 3:22

23Prius autem quam veniret fides, sub lege custodiebamur conclusi in eam fidem quæ revelanda erat.Select Galatians 3:23

24Itaque lex pædagogus noster fuit in Christo, ut ex fide justificemur.Select Galatians 3:24

25At ubi venit fides, jam non sumus sub pædagogo.Select Galatians 3:25

26Omnes enim filii Dei estis per fidem, quæ est in Christo Jesu.Select Galatians 3:26

27Quicumque enim in Christo baptizati estis, Christum induistis.Select Galatians 3:27

28Non est Judæus, neque Græcus : non est servus, neque liber : non est masculus, neque femina. Omnes enim vos unum estis in Christo Jesu.Select Galatians 3:28

29Si autem vos Christi, ergo semen Abrahæ estis, secundum promissionem hæredes.Select Galatians 3:29