15Genesis 15

1His itaque transactis, factus est sermo Domini ad Abram per visionem dicens : Noli timere, Abram : ego protector tuus sum, et merces tua magna nimis.Select Genesis 15:1

2Dixitque Abram : Domine Deus, quid dabis mihi ? ego vadam absque liberis, et filius procuratoris domus meæ iste Damascus Eliezer.Select Genesis 15:2

3Addiditque Abram : Mihi autem non dedisti semen, et ecce vernaculus meus, hæres meus erit.Select Genesis 15:3

4Statimque sermo Domini factus est ad eum, dicens : Non erit hic hæres tuus, sed qui egredietur de utero tuo, ipsum habebis hæredem.Select Genesis 15:4

5Eduxitque eum foras, et ait illi : Suspice cælum, et numera stellas, si potes. Et dixit ei : Sic erit semen tuum.Select Genesis 15:5

6Credidit Abram Deo, et reputatum est illi ad justitiam.Select Genesis 15:6

7Dixitque ad eum : Ego Dominus qui eduxi te de Ur Chaldæorum ut darem tibi terram istam, et possideres eam.Select Genesis 15:7

8At ille ait : Domine Deus, unde scire possum quod possessurus sim eam ?Select Genesis 15:8

9Et respondens Dominus : Sume, inquit, mihi vaccam triennem, et capram trimam, et arietem annorum trium, turturem quoque et columbam.Select Genesis 15:9

10Qui tollens universa hæc, divisit ea per medium, et utrasque partes contra se altrinsecus posuit ; aves autem non divisit.Select Genesis 15:10

11Descenderuntque volucres super cadavera, et abigebat eas Abram.Select Genesis 15:11

12Cumque sol occumberet, sopor irruit super Abram, et horror magnus et tenebrosus invasit eum.Select Genesis 15:12

13Dictumque est ad eum : Scito prænoscens quod peregrinum futurum sit semen tuum in terra non sua, et subjicient eos servituti, et affligent quadringentis annis.Select Genesis 15:13

14Verumtamen gentem, cui servituri sunt, ego judicabo : et post hæc egredientur cum magna substantia.Select Genesis 15:14

15Tu autem ibis ad patres tuos in pace, sepultus in senectute bona.Select Genesis 15:15

16Generatione autem quarta revertentur huc : necdum enim completæ sunt iniquitates Amorrhæorum usque ad præsens tempus.Select Genesis 15:16

17Cum ergo occubuisset sol, facta est caligo tenebrosa, et apparuit clibanus fumans, et lampas ignis transiens inter divisiones illas.Select Genesis 15:17

18In illo die pepigit Dominus fœdus cum Abram, dicens : Semini tuo dabo terram hanc a fluvio Ægypti usque ad fluvium magnum Euphraten,Select Genesis 15:18

19Cinæos, et Cenezæos, Cedmonæos,Select Genesis 15:19

20et Hethæos, et Pherezæos, Raphaim quoque,Select Genesis 15:20

21et Amorrhæos, et Chananæos, et Gergesæos, et Jebusæos.Select Genesis 15:21