23Genesis 23

1Vixit autem Sara centum viginti septem annis.Select Genesis 23:1

2Et mortua est in civitate Arbee, quæ est Hebron, in terra Chanaan : venitque Abraham ut plangeret et fleret eam.Select Genesis 23:2

3Cumque surrexisset ab officio funeris, locutus est ad filios Heth, dicens :Select Genesis 23:3

4Advena sum et peregrinus apud vos : date mihi jus sepulchri vobiscum, ut sepeliam mortuum meum.Select Genesis 23:4

5Responderunt filii Heth, dicentes :Select Genesis 23:5

6Audi nos, domine : princeps Dei es apud nos : in electis sepulchris nostris sepeli mortuum tuum, nullusque te prohibere poterit quin in monumento ejus sepelias mortuum tuum.Select Genesis 23:6

7Surrexit Abraham, et adoravit populum terræ, filios videlicet Heth :Select Genesis 23:7

8dixitque ad eos : Si placet animæ vestræ ut sepeliam mortuum meum, audite me, et intercedite pro me apud Ephron filium Seor :Select Genesis 23:8

9ut det mihi speluncam duplicem, quam habet in extrema parte agri sui : pecunia digna tradat eam mihi coram vobis in possessionem sepulchri.Select Genesis 23:9

10Habitabat autem Ephron in medio filiorum Heth. Responditque Ephron ad Abraham, cunctis audientibus qui ingrediebantur portam civitatis illius, dicens :Select Genesis 23:10

11Nequaquam ita fiat, domine mi, sed tu magis ausculta quod loquor. Agrum trado tibi, et speluncam quæ in eo est, præsentibus filiis populi mei ; sepeli mortuum tuum.Select Genesis 23:11

12Adoravit Abraham coram populo terræ.Select Genesis 23:12

13Et locutus est ad Ephron circumstante plebe : Quæso ut audias me : dabo pecuniam pro agro : suscipe eam, et sic sepeliam mortuum meum in eo.Select Genesis 23:13

14Responditque Ephron :Select Genesis 23:14

15Domine mi, audi me : terra, quam postulas, quadringentis siclis argenti valet : istud est pretium inter me et te : sed quantum est hoc ? sepeli mortuum tuum.Select Genesis 23:15

16Quod cum audisset Abraham, appendit pecuniam, quam Ephron postulaverat, audientibus filiis Heth, quadringentos siclos argenti probatæ monetæ publicæ.Select Genesis 23:16

17Confirmatusque est ager quondam Ephronis, in quo erat spelunca duplex, respiciens Mambre, tam ipse, quam spelunca, et omnes arbores ejus in cunctis terminis ejus per circuitum,Select Genesis 23:17

18Abrahæ in possessionem, videntibus filiis Heth, et cunctis qui intrabant portam civitatis illius.Select Genesis 23:18

19Atque ita sepelivit Abraham Saram uxorem suam in spelunca agri duplici, quæ respiciebat Mambre. Hæc est Hebron in terra Chanaan.Select Genesis 23:19

20Et confirmatus est ager, et antrum quod erat in eo, Abrahæ in possessionem monumenti a filiis Heth.Select Genesis 23:20