24Genesis 24

1Erat autem Abraham senex, dierumque multorum : et Dominus in cunctis benedixerat ei.Select Genesis 24:1

2Dixitque ad servum seniorem domus suæ, qui præerat omnibus quæ habebat : Pone manum tuam subter femur meum,Select Genesis 24:2

3ut adjurem te per Dominum Deum cæli et terræ, ut non accipias uxorem filio meo de filiabus Chananæorum, inter quos habito :Select Genesis 24:3

4sed ad terram et cognationem meam proficiscaris et inde accipias uxorem filio meo Isaac.Select Genesis 24:4

5Respondit servus : Si noluerit mulier venire mecum in terram hanc, numquid reducere debeo filium tuum ad locum, de quo egressus es ?Select Genesis 24:5

6Dixitque Abraham : Cave nequando reducas filium meum illuc.Select Genesis 24:6

7Dominus Deus cæli, qui tulit me de domo patris mei, et de terra nativitatis meæ, qui locutus est mihi, et juravit mihi, dicens : Semini tuo dabo terram hanc : ipse mittet angelum suum coram te, et accipies inde uxorem filio meo :Select Genesis 24:7

8sin autem mulier noluerit sequi te, non teneberis juramento : filium meum tantum ne reducas illuc.Select Genesis 24:8

9Posuit ergo servus manum sub femore Abraham domini sui, et juravit illi super sermone hoc.Select Genesis 24:9

10Tulitque decem camelos de grege domini sui, et abiit, ex omnibus bonis ejus portans secum, profectusque perrexit in Mesopotamiam ad urbem Nachor.Select Genesis 24:10

11Cumque camelos fecisset accumbere extra oppidum juxta puteum aquæ vespere, tempore quo solent mulieres egredi ad hauriendam aquam, dixit :Select Genesis 24:11

12Domine Deus domini mei Abraham, occurre, obsecro, mihi hodie, et fac misericordiam cum domino meo Abraham.Select Genesis 24:12

13Ecce ego sto prope fontem aquæ, et filiæ habitatorum hujus civitatis egredientur ad hauriendam aquam.Select Genesis 24:13

14Igitur puella, cui ego dixero : Inclina hydriam tuam ut bibam : et illa responderit : Bibe, quin et camelis tuis dabo potum : ipsa est quam præparasti servo tuo Isaac : et per hoc intelligam quod feceris misericordiam cum domino meo.Select Genesis 24:14

15Necdum intra se verba compleverat, et ecce Rebecca egrediebatur, filia Bathuel, filii Melchæ uxoris Nachor fratris Abraham, habens hydriam in scapula sua :Select Genesis 24:15

16puella decora nimis, virgoque pulcherrima, et incognita viro : descenderat autem ad fontem, et impleverat hydriam, ac revertebatur.Select Genesis 24:16

17Occurritque ei servus, et ait : Pauxillum aquæ mihi ad bibendum præbe de hydria tua.Select Genesis 24:17

18Quæ respondit : Bibe, domine mi : celeriterque deposuit hydriam super ulnam suam, et dedit ei potum.Select Genesis 24:18

19Cumque ille bibisset, adjecit : Quin et camelis tuis hauriam aquam, donec cuncti bibant.Select Genesis 24:19

20Effundensque hydriam in canalibus, recurrit ad puteum ut hauriret aquam : et haustam omnibus camelis dedit.Select Genesis 24:20

21Ipse autem contemplabatur eam tacitus, scire volens utrum prosperum iter suum fecisset Dominus, an non.Select Genesis 24:21

22Postquam autem biberunt cameli, protulit vir inaures aureas, appendentes siclos duos, et armillas totidem pondo siclorum decem.Select Genesis 24:22

23Dixitque ad eam : Cujus es filia ? indica mihi, est in domo patris tui locus ad manendum ?Select Genesis 24:23

24Quæ respondit : Filia sum Bathuelis, filii Melchæ, quem peperit ipsi Nachor.Select Genesis 24:24

25Et addidit, dicens : Palearum quoque et fœni plurimum est apud nos, et locus spatiosus ad manendum.Select Genesis 24:25

26Inclinavit se homo, et adoravit Dominum,Select Genesis 24:26

27dicens : Benedictus Dominus Deus domini mei Abraham, qui non abstulit misericordiam et veritatem suam a domino meo, et recto itinere me perduxit in domum fratris domini mei.Select Genesis 24:27

28Cucurrit itaque puella, et nuntiavit in domum matris suæ omnia quæ audierat.Select Genesis 24:28

29Habebat autem Rebecca fratrem nomine Laban, qui festinus egressus est ad hominem, ubi erat fons.Select Genesis 24:29

30Cumque vidisset inaures et armillas in manibus sororis suæ, et audisset cuncta verba referentis : Hæc locutus est mihi homo : venit ad virum qui stabat juxta camelos, et prope fontem aquæ :Select Genesis 24:30

31dixitque ad eum : Ingredere, benedicte Domini : cur foris stas ? præparavi domum, et locum camelis.Select Genesis 24:31

32Et introduxit eum in hospitium : ac destravit camelos, deditque paleas et fœnum, et aquam ad lavandos pedes ejus, et virorum qui venerant cum eo.Select Genesis 24:32

33Et appositus est in conspectu ejus panis. Qui ait : Non comedam, donec loquar sermones meos. Respondit ei : Loquere.Select Genesis 24:33

34At ille : Servus, inquit, Abraham sum :Select Genesis 24:34

35et Dominus benedixit domino meo valde, magnificatusque est : et dedit ei oves et boves, argentum et aurum, servos et ancillas, camelos et asinos.Select Genesis 24:35

36Et peperit Sara uxor domini mei filium domino meo in senectute sua, deditque illi omnia quæ habuerat.Select Genesis 24:36

37Et adjuravit me dominus meus, dicens : Non accipies uxorem filio meo de filiabus Chananæorum, in quorum terra habito :Select Genesis 24:37

38sed ad domum patris mei perges, et de cognatione mea accipies uxorem filio meo.Select Genesis 24:38

39Ego vero respondi domino meo : Quid si noluerit venire mecum mulier ?Select Genesis 24:39

40Dominus, ait, in cujus conspectu ambulo, mittet angelum suum tecum, et diriget viam tuam : accipiesque uxorem filio meo de cognatione mea, et de domo patris mei.Select Genesis 24:40

41Innocens eris a maledictione mea, cum veneris ad propinquos meos, et non dederint tibi.Select Genesis 24:41

42Veni ergo hodie ad fontem aquæ, et dixi : Domine Deus domini mei Abraham, si direxisti viam meam, in qua nunc ambulo,Select Genesis 24:42

43ecce sto juxta fontem aquæ, et virgo, quæ egredietur ad hauriendam aquam, audierit a me : Da mihi pauxillum aquæ ad bibendum ex hydria tua :Select Genesis 24:43

44et dixerit mihi : Et tu bibe, et camelis tuis hauriam : ipsa est mulier, quam præparavit Dominus filio domini mei.Select Genesis 24:44

45Dumque hæc tacitus mecum volverem, apparuit Rebecca veniens cum hydria, quam portabat in scapula : descenditque ad fontem, et hausit aquam. Et aio ad eam : Da mihi paululum bibere.Select Genesis 24:45

46Quæ festinans deposuit hydriam de humero, et dixit mihi : Et tu bibe, et camelis tuis tribuam potum. Bibi, et adaquavit camelos.Select Genesis 24:46

47Interrogavique eam, et dixi : Cujus es filia ? Quæ respondit : Filia Bathuelis sum, filii Nachor, quem peperit ei Melcha. Suspendi itaque inaures ad ornandam faciem ejus, et armillas posui in manibus ejus.Select Genesis 24:47

48Pronusque adoravi Dominum, benedicens Domino Deo domini mei Abraham, qui perduxit me recto itinere, ut sumerem filiam fratris domini mei filio ejus.Select Genesis 24:48

49Quam ob rem si facitis misericordiam et veritatem cum domino meo, indicate mihi : sin autem aliud placet, et hoc dicite mihi, ut vadam ad dextram, sive ad sinistram.Select Genesis 24:49

50Responderuntque Laban et Bathuel : A Domino egressus est sermo : non possumus extra placitum ejus quidquam aliud loqui tecum.Select Genesis 24:50

51En Rebecca coram te est, tolle eam, et proficiscere, et sit uxor filii domini tui, sicut locutus est Dominus.Select Genesis 24:51

52Quod cum audisset puer Abraham, procidens adoravit in terram Dominum.Select Genesis 24:52

53Prolatisque vasis argenteis, et aureis, ac vestibus, dedit ea Rebeccæ pro munere : fratribus quoque ejus et matri dona obtulit.Select Genesis 24:53

54Inito convivio, vescentes pariter et bibentes manserunt ibi. Surgens autem mane, locutus est puer : Dimitte me, ut vadam ad dominum meum.Select Genesis 24:54

55Responderuntque fratres ejus et mater : Maneat puella saltem decem dies apud nos, et postea proficiscetur.Select Genesis 24:55

56Nolite, ait, me retinere, quia Dominus direxit viam meam : dimittite me ut pergam ad dominum meum.Select Genesis 24:56

57Et dixerunt : Vocemus puellam, et quæramus ipsius voluntatem.Select Genesis 24:57

58Cumque vocata venisset, sciscitati sunt : Vis ire cum homine isto ? Quæ ait : Vadam.Select Genesis 24:58

59Dimiserunt ergo eam, et nutricem illius, servumque Abraham, et comites ejus,Select Genesis 24:59

60imprecantes prospera sorori suæ, atque dicentes : Soror nostra es, crescas in mille millia, et possideat semen tuum portas inimicorum suorum.Select Genesis 24:60

61Igitur Rebecca et puellæ illius, ascensis camelis, secutæ sunt virum : qui festinus revertebatur ad dominum suum.Select Genesis 24:61

62Eo autem tempore deambulabat Isaac per viam quæ ducit ad puteum, cujus nomen est Viventis et videntis : habitabat enim in terra australi :Select Genesis 24:62

63et egressus fuerat ad meditandum in agro, inclinata jam die : cumque elevasset oculos, vidit camelos venientes procul.Select Genesis 24:63

64Rebecca quoque, conspecto Isaac, descendit de camelo,Select Genesis 24:64

65et ait ad puerum : Quis est ille homo qui venit per agrum in occursum nobis ? Dixitque ei : Ipse est dominus meus. At illa tollens cito pallium, operuit se.Select Genesis 24:65

66Servus autem cuncta, quæ gesserat, narravit Isaac.Select Genesis 24:66

67Qui introduxit eam in tabernaculum Saræ matris suæ, et accepit eam uxorem : et in tantum dilexit eam, ut dolorem, qui ex morte matris ejus acciderat, temperaret.Select Genesis 24:67