34Genesis 34

1Egressa est autem Dina filia Liæ ut videret mulieres regionis illius.Select Genesis 34:1

2Quam cum vidisset Sichem filius Hemor Hevæi, princeps terræ illius, adamavit eam : et rapuit, et dormivit cum illa, vi opprimens virginem.Select Genesis 34:2

3Et conglutinata est anima ejus cum ea, tristemque delinivit blanditiis.Select Genesis 34:3

4Et pergens ad Hemor patrem suum : Accipe, inquit, mihi puellam hanc conjugem.Select Genesis 34:4

5Quod cum audisset Jacob absentibus filiis, et in pastu pecorum occupatis, siluit donec redirent.Select Genesis 34:5

6Egresso autem Hemor patre Sichem ut loqueretur ad Jacob,Select Genesis 34:6

7ecce filii ejus veniebant de agro : auditoque quod acciderat, irati sunt valde, eo quod fœdam rem operatus esset in Israël et, violata filia Jacob, rem illicitam perpetrasset.Select Genesis 34:7

8Locutus est itaque Hemor ad eos : Sichem filii mei adhæsit anima filiæ vestræ : date eam illi uxorem :Select Genesis 34:8

9et jungamus vicissim connubia : filias vestras tradite nobis, et filias nostras accipite,Select Genesis 34:9

10et habitate nobiscum : terra in potestate vestra est : exercete, negotiamini, et possidete eam.Select Genesis 34:10

11Sed et Sichem ad patrem et ad fratres ejus ait : Inveniam gratiam coram vobis : et quæcumque statueritis, dabo :Select Genesis 34:11

12augete dotem, et munera postulate, et libenter tribuam quod petieritis : tantum date mihi puellam hanc uxorem.Select Genesis 34:12

13Responderunt filii Jacob Sichem et patri ejus in dolo, sævientes ob stuprum sororis :Select Genesis 34:13

14Non possumus facere quod petitis, nec dare sororem nostram homini incircumciso : quod illicitum et nefarium est apud nos.Select Genesis 34:14

15Sed in hoc valebimus fœderari, si volueritis esse similes nostri, et circumcidatur in vobis omne masculini sexus ;Select Genesis 34:15

16tunc dabimus et accipiemus mutuo filias vestras ac nostras : et habitabimus vobiscum, erimusque unus populus.Select Genesis 34:16

17Si autem circumcidi nolueritis, tollemus filiam nostram, et recedemus.Select Genesis 34:17

18Placuit oblatio eorum Hemor, et Sichem filio ejus,Select Genesis 34:18

19nec distulit adolescens quin statim quod petebatur expleret : amabat enim puellam valde, et ipse erat inclytus in omni domo patris sui.Select Genesis 34:19

20Ingressique portam urbis, locuti sunt ad populum :Select Genesis 34:20

21Viri isti pacifici sunt, et volunt habitare nobiscum : negotientur in terra, et exerceant eam, quæ spatiosa et lata cultoribus indiget : filias eorum accipiemus uxores, et nostras illis dabimus.Select Genesis 34:21

22Unum est quo differtur tantum bonum : si circumcidamus masculos nostros, ritum gentis imitantes.Select Genesis 34:22

23Et substantia eorum, et pecora, et cuncta quæ possident, nostra erunt : tantum in hoc acquiescamus, et habitantes simul, unum efficiemus populum.Select Genesis 34:23

24Assensique sunt omnes, circumcisis cunctis maribus.Select Genesis 34:24

25Et ecce, die tertio, quando gravissimus vulnerum dolor est : arreptis duo filii Jacob, Simeon et Levi fratres Dinæ, gladiis, ingressi sunt urbem confidenter : interfectisque omnibus masculis,Select Genesis 34:25

26Hemor et Sichem pariter necaverunt, tollentes Dinam de domo Sichem sororem suam.Select Genesis 34:26

27Quibus egressis, irruerunt super occisos ceteri filii Jacob : et depopulati sunt urbem in ultionem stupri.Select Genesis 34:27

28Oves eorum, et armenta, et asinos, cunctaque vastantes quæ in domibus et in agris erant,Select Genesis 34:28

29parvulos quoque eorum et uxores duxerunt captivas.Select Genesis 34:29

30Quibus patratis audacter, Jacob dixit ad Simeon et Levi : Turbastis me, et odiosum fecistis me Chananæis, et Pherezæis habitatoribus terræ hujus : nos pauci sumus ; illi congregati percutient me, et delebor ego, et domus mea.Select Genesis 34:30

31Responderunt : Numquid ut scorto abuti debuere sorore nostra ?Select Genesis 34:31