41Genesis 41

1Post duos annos vidit Pharao somnium. Putabat se stare super fluvium,Select Genesis 41:1

2de quo ascendebant septem boves, pulchræ et crassæ nimis : et pascebantur in locis palustribus.Select Genesis 41:2

3Aliæ quoque septem emergebant de flumine, fœdæ confectæque macie : et pascebantur in ipsa amnis ripa in locis virentibus :Select Genesis 41:3

4devoraveruntque eas, quarum mira species et habitudo corporum erat. Expergefactus Pharao,Select Genesis 41:4

5rursum dormivit, et vidit alterum somnium : septem spicæ pullulabant in culmo uno plenæ atque formosæ :Select Genesis 41:5

6aliæ quoque totidem spicæ tenues, et percussæ uredine oriebantur,Select Genesis 41:6

7devorantes omnium priorum pulchritudinem. Evigilans Pharao post quietem,Select Genesis 41:7

8et facto mane, pavore perterritus, misit ad omnes conjectores Ægypti, cunctosque sapientes, et accersitis narravit somnium, nec erat qui interpretaretur.Select Genesis 41:8

9Tunc demum reminiscens pincernarum magister, ait : Confiteor peccatum meum :Select Genesis 41:9

10iratus rex servis suis, me et magistrum pistorum retrudi jussit in carcerem principis militum :Select Genesis 41:10

11ubi una nocte uterque vidimus somnium præsagum futurorum.Select Genesis 41:11

12Erat ibi puer hebræus, ejusdem ducis militum famulus : cui narrantes somnia,Select Genesis 41:12

13audivimus quidquid postea rei probavit eventus ; ego enim redditus sum officio meo, et ille suspensus est in cruce.Select Genesis 41:13

14Protinus ad regis imperium eductum de carcere Joseph totonderunt : ac veste mutata obtulerunt ei.Select Genesis 41:14

15Cui ille ait : Vidi somnia, nec est qui edisserat : quæ audivi te sapientissime conjicere.Select Genesis 41:15

16Respondit Joseph : Absque me Deus respondebit prospera Pharaoni.Select Genesis 41:16

17Narravit ergo Pharao quod viderat : Putabam me stare super ripam fluminis,Select Genesis 41:17

18et septem boves de amne conscendere, pulchras nimis, et obesis carnibus : quæ in pastu paludis virecta carpebant.Select Genesis 41:18

19Et ecce, has sequebantur aliæ septem boves, in tantum deformes et macilentæ, ut numquam tales in terra Ægypti viderim :Select Genesis 41:19

20quæ, devoratis et consumptis prioribus,Select Genesis 41:20

21nullum saturitatis dedere vestigium : sed simili macie et squalore torpebant. Evigilans, rursus sopore depressus,Select Genesis 41:21

22vidi somnium. Septem spicæ pullulabant in culmo uno plenæ atque pulcherrimæ.Select Genesis 41:22

23Aliæ quoque septem tenues et percussæ uredine, oriebantur e stipula :Select Genesis 41:23

24quæ priorum pulchritudinem devoraverunt. Narravi conjectoribus somnium, et nemo est qui edisserat.Select Genesis 41:24

25Respondit Joseph : Somnium regis unum est : quæ facturus est Deus, ostendit Pharaoni.Select Genesis 41:25

26Septem boves pulchræ, et septem spicæ plenæ, septem ubertatis anni sunt : eamdemque vim somnii comprehendunt.Select Genesis 41:26

27Septem quoque boves tenues atque macilentæ, quæ ascenderunt post eas, et septem spicæ tenues, et vento urente percussæ, septem anni venturæ sunt famis.Select Genesis 41:27

28Qui hoc ordine complebuntur :Select Genesis 41:28

29ecce septem anni venient fertilitatis magnæ in universa terra Ægypti,Select Genesis 41:29

30quos sequentur septem anni alii tantæ sterilitatis, ut oblivioni tradatur cuncta retro abundantia : consumptura est enim fames omnem terram,Select Genesis 41:30

31et ubertatis magnitudinem perditura est inopiæ magnitudo.Select Genesis 41:31

32Quod autem vidisti secundo ad eamdem rem pertinens somnium : firmitatis indicium est, eo quod fiat sermo Dei, et velocius impleatur.Select Genesis 41:32

33Nunc ergo provideat rex virum sapientem et industrium, et præficiat eum terræ Ægypti :Select Genesis 41:33

34qui constituat præpositos per cunctas regiones : et quintam partem fructuum per septem annos fertilitatis,Select Genesis 41:34

35qui jam nunc futuri sunt, congreget in horrea : et omne frumentum sub Pharaonis potestate condatur, serveturque in urbibus.Select Genesis 41:35

36Et præparetur futuræ septem annorum fami, quæ oppressura est Ægyptum, et non consumetur terra inopia.Select Genesis 41:36

37Placuit Pharaoni consilium et cunctis ministris ejus :Select Genesis 41:37

38locutusque est ad eos : Num invenire poterimus talem virum, qui spiritu Dei plenus sit ?Select Genesis 41:38

39Dixit ergo ad Joseph : Quia ostendit tibi Deus omnia quæ locutus es, numquid sapientiorem et consimilem tui invenire potero ?Select Genesis 41:39

40Tu eris super domum meam, et ad tui oris imperium cunctus populus obediet : uno tantum regni solio te præcedam.Select Genesis 41:40

41Dixitque rursus Pharao ad Joseph : Ecce, constitui te super universam terram Ægypti.Select Genesis 41:41

42Tulitque annulum de manu sua, et dedit eum in manu ejus : vestivitque eum stola byssina, et collo torquem auream circumposuit.Select Genesis 41:42

43Fecitque eum ascendere super currum suum secundum, clamante præcone, ut omnes coram eo genu flecterent, et præpositum esse scirent universæ terræ Ægypti.Select Genesis 41:43

44Dixit quoque rex ad Joseph : Ego sum Pharao : absque tuo imperio non movebit quisquam manum aut pedem in omni terra Ægypti.Select Genesis 41:44

45Vertitque nomen ejus, et vocavit eum, lingua ægyptiaca, Salvatorem mundi. Deditque illi uxorem Aseneth filiam Putiphare sacerdotis Heliopoleos. Egressus est itaque Joseph ad terram ÆgyptiSelect Genesis 41:45

46(triginta autem annorum erat quando stetit in conspectu regis Pharaonis), et circuivit omnes regiones Ægypti.Select Genesis 41:46

47Venitque fertilitas septem annorum : et in manipulos redactæ segetes congregatæ sunt in horrea Ægypti.Select Genesis 41:47

48Omnis etiam frugum abundantia in singulis urbibus condita est.Select Genesis 41:48

49Tantaque fuit abundantia tritici, ut arenæ maris coæquaretur, et copia mensuram excederet.Select Genesis 41:49

50Nati sunt autem Joseph filii duo antequam veniret fames : quos peperit ei Aseneth filia Putiphare sacerdotis Heliopoleos.Select Genesis 41:50

51Vocavitque nomen primogeniti Manasses, dicens : Oblivisci me fecit Deus omnium laborum meorum, et domus patris mei.Select Genesis 41:51

52Nomen quoque secundi appellavit Ephraim, dicens : Crescere me fecit Deus in terra paupertatis meæ.Select Genesis 41:52

53Igitur transactis septem ubertatis annis, qui fuerant in Ægypto,Select Genesis 41:53

54cœperunt venire septem anni inopiæ, quos prædixerat Joseph : et in universo orbe fames prævaluit, in cuncta autem terra Ægypti panis erat.Select Genesis 41:54

55Qua esuriente, clamavit populus ad Pharaonem, alimenta petens. Quibus ille respondit : Ite ad Joseph : et quidquid ipse vobis dixerit, facite.Select Genesis 41:55

56Crescebat autem quotidie fames in omni terra : aperuitque Joseph universa horrea, et vendebat Ægyptiis : nam et illos oppresserat fames.Select Genesis 41:56

57Omnesque provinciæ veniebant in Ægyptum, ut emerent escas, et malum inopiæ temperarent.Select Genesis 41:57