7Genesis 7

1Dixitque Dominus ad eum : Ingredere tu et omnis domus tua in arcam : te enim vidi justum coram me in generatione hac.Select Genesis 7:1

2Ex omnibus animantibus mundis tolle septena et septena, masculum et feminam : de animantibus vero immundis duo et duo, masculum et feminam.Select Genesis 7:2

3Sed et de volatilibus cæli septena et septena, masculum et feminam : ut salvetur semen super faciem universæ terræ.Select Genesis 7:3

4Adhuc enim, et post dies septem ego pluam super terram quadraginta diebus et quadraginta noctibus : et delebo omnem substantiam, quam feci, de superficie terræ.Select Genesis 7:4

5Fecit ergo Noë omnia quæ mandaverat ei Dominus.Select Genesis 7:5

6Eratque sexcentorum annorum quando diluvii aquæ inundaverunt super terram.Select Genesis 7:6

7Et ingressus est Noë et filii ejus, uxor ejus et uxores filiorum ejus cum eo in arcam propter aquas diluvii.Select Genesis 7:7

8De animantibus quoque mundis et immundis, et de volucribus, et ex omni quod movetur super terram,Select Genesis 7:8

9duo et duo ingressa sunt ad Noë in arcam, masculus et femina, sicut præceperat Dominus Noë.Select Genesis 7:9

10Cumque transissent septem dies, aquæ diluvii inundaverunt super terram.Select Genesis 7:10

11Anno sexcentesimo vitæ Noë, mense secundo, septimodecimo die mensis, rupti sunt omnes fontes abyssi magnæ, et cataractæ cæli apertæ sunt :Select Genesis 7:11

12et facta est pluvia super terram quadraginta diebus et quadraginta noctibus.Select Genesis 7:12

13In articulo diei illius ingressus est Noë, et Sem, et Cham, et Japheth filii ejus ; uxor illius, et tres uxores filiorum ejus cum eis in arcam :Select Genesis 7:13

14ipsi et omne animal secundum genus suum, universaque jumenta in genere suo, et omne quod movetur super terram in genere suo, cunctumque volatile secundum genus suum, universæ aves, omnesque volucres,Select Genesis 7:14

15ingressæ sunt ad Noë in arcam, bina et bina ex omni carne, in qua erat spiritus vitæ.Select Genesis 7:15

16Et quæ ingressa sunt, masculus et femina ex omni carne introierunt, sicut præceperat ei Deus : et inclusit eum Dominus deforis.Select Genesis 7:16

17Factumque est diluvium quadraginta diebus super terram : et multiplicatæ sunt aquæ, et elevaverunt arcam in sublime a terra.Select Genesis 7:17

18Vehementer enim inundaverunt, et omnia repleverunt in superficie terræ : porro arca ferebatur super aquas.Select Genesis 7:18

19Et aquæ prævaluerunt nimis super terram : opertique sunt omnes montes excelsi sub universo cælo.Select Genesis 7:19

20Quindecim cubitis altior fuit aqua super montes, quos operuerat.Select Genesis 7:20

21Consumptaque est omnis caro quæ movebatur super terram, volucrum, animantium, bestiarum, omniumque reptilium, quæ reptant super terram : universi homines,Select Genesis 7:21

22et cuncta, in quibus spiraculum vitæ est in terra, mortua sunt.Select Genesis 7:22

23Et delevit omnem substantiam quæ erat super terram, ab homine usque ad pecus, tam reptile quam volucres cæli : et deleta sunt de terra. Remansit autem solus Noë, et qui cum eo erant in arca.Select Genesis 7:23

24Obtinueruntque aquæ terram centum quinquaginta diebus.Select Genesis 7:24