2Habakkuk 2

1Super custodiam meam stabo, et figam gradum super munitionem : et contemplabor ut videam quid dicatur mihi, et quid respondeam ad arguentem me.Select Habakkuk 2:1

2Et respondit mihi Dominus, et dixit : Scribe visum, et explana eum super tabulas, ut percurrat qui legerit eum.Select Habakkuk 2:2

3Quia adhuc visus procul ; et apparebit in finem, et non mentietur : si moram fecerit, exspecta illum, quia veniens veniet, et non tardabit.Select Habakkuk 2:3

4Ecce qui incredulus est, non erit recta anima ejus in semetipso ; justus autem in fide sua vivet.Select Habakkuk 2:4

5Et quomodo vinum potantem decipit, sic erit vir superbus, et non decorabitur : qui dilatavit quasi infernus animam suam, et ipse quasi mors, et non adimpletur : et congregabit ad se omnes gentes, et coacervabit ad se omnes populos.Select Habakkuk 2:5

6Numquid non omnes isti super eum parabolam sument, et loquelam ænigmatum ejus, et dicetur : Væ ei qui multiplicat non sua ? usquequo et aggravat contra se densum lutum ?Select Habakkuk 2:6

7Numquid non repente consurgent qui mordeant te, et suscitabuntur lacerantes te, et eris in rapinam eis ?Select Habakkuk 2:7

8Quia tu spoliasti gentes multas, spoliabunt te omnes qui reliqui fuerint de populis, propter sanguinem hominis, et iniquitatem terræ, civitatis, et omnium habitantium in ea.Select Habakkuk 2:8

9Væ qui congregat avaritiam malam domui suæ, ut sit in excelso nidus ejus, et liberari se putat de manu mali !Select Habakkuk 2:9

10Cogitasti confusionem domui tuæ ; concidisti populos multos, et peccavit anima tua.Select Habakkuk 2:10

11Quia lapis de pariete clamabit, et lignum, quod inter juncturas ædificiorum est, respondebit.Select Habakkuk 2:11

12Væ qui ædificat civitatem in sanguinibus, et præparat urbem in iniquitate !Select Habakkuk 2:12

13Numquid non hæc sunt a Domino exercituum ? laborabunt enim populi in multo igne, et gentes in vacuum, et deficient.Select Habakkuk 2:13

14Quia replebitur terra, ut cognoscant gloriam Domini, quasi aquæ operientes mare.Select Habakkuk 2:14

15Væ qui potum dat amico suo mittens fel suum, et inebrians ut aspiciat nuditatem ejus !Select Habakkuk 2:15

16Repletus es ignominia pro gloria ; bibe tu quoque, et consopire. Circumdabit te calix dexteræ Domini, et vomitus ignominiæ super gloriam tuam.Select Habakkuk 2:16

17Quia iniquitas Libani operiet te, et vastitas animalium deterrebit eos de sanguinibus hominum, et iniquitate terræ, et civitatis, et omnium habitantium in ea.Select Habakkuk 2:17

18Quid prodest sculptile, quia sculpsit illud fictor suus, conflatile, et imaginem falsam ? quia speravit in figmento fictor ejus, ut faceret simulacra muta.Select Habakkuk 2:18

19Væ qui dicit ligno : Expergiscere ; Surge, lapidi tacenti ! Numquid ipse docere poterit ? ecce iste coopertus est auro et argento, et omnis spiritus non est in visceribus ejus.Select Habakkuk 2:19

20Dominus autem in templo sancto suo : sileat a facie ejus omnis terra !Select Habakkuk 2:20