3Habakkuk 3

1Oratio Habacuc prophetæ, pro ignorantiis.Select Habakkuk 3:1

2Domine, audivi auditionem tuam, et timui. Domine, opus tuum, in medio annorum vivifica illud ; in medio annorum notum facies : cum iratus fueris, misericordiæ recordaberis.Select Habakkuk 3:2

3Deus ab austro veniet, et Sanctus de monte Pharan : operuit cælos gloria ejus, et laudis ejus plena est terra.Select Habakkuk 3:3

4Splendor ejus ut lux erit, cornua in manibus ejus : ibi abscondita est fortitudo ejus.Select Habakkuk 3:4

5Ante faciem ejus ibit mors, et egredietur diabolus ante pedes ejus.Select Habakkuk 3:5

6Stetit, et mensus est terram ; aspexit, et dissolvit gentes, et contriti sunt montes sæculi : incurvati sunt colles mundi ab itineribus æternitatis ejus.Select Habakkuk 3:6

7Pro iniquitate vidi tentoria Æthiopiæ ; turbabuntur pelles terræ Madian.Select Habakkuk 3:7

8Numquid in fluminibus iratus es, Domine ? aut in fluminibus furor tuus ? vel in mari indignatio tua ? Qui ascendes super equos tuos, et quadrigæ tuæ salvatio.Select Habakkuk 3:8

9Suscitans suscitabis arcum tuum, juramenta tribubus quæ locutus es ; fluvios scindes terræ.Select Habakkuk 3:9

10Viderunt te, et doluerunt montes ; gurges aquarum transiit : dedit abyssus vocem suam ; altitudo manus suas levavit.Select Habakkuk 3:10

11Sol et luna steterunt in habitaculo suo : in luce sagittarum tuarum ibunt, in splendore fulgurantis hastæ tuæ.Select Habakkuk 3:11

12In fremitu conculcabis terram ; in furore obstupefacies gentes.Select Habakkuk 3:12

13Egressus es in salutem populi tui, in salutem cum christo tuo : percussisti caput de domo impii, denudasti fundamentum ejus usque ad collum.Select Habakkuk 3:13

14Maledixisti sceptris ejus, capiti bellatorum ejus, venientibus ut turbo ad dispergendum me : exsultatio eorum, sicut ejus qui devorat pauperem in abscondito.Select Habakkuk 3:14

15Viam fecisti in mari equis tuis, in luto aquarum multarum.Select Habakkuk 3:15

16Audivi, et conturbatus est venter meus ; a voce contremuerunt labia mea. Ingrediatur putredo in ossibus meis, et subter me scateat : ut requiescam in die tribulationis, ut ascendam ad populum accinctum nostrum.Select Habakkuk 3:16

17Ficus enim non florebit, et non erit germen in vineis ; mentietur opus olivæ, et arva non afferent cibum : abscindetur de ovili pecus, et non erit armentum in præsepibus.Select Habakkuk 3:17

18Ego autem in Domino gaudebo ; et exsultabo in Deo Jesu meo.Select Habakkuk 3:18

19Deus Dominus fortitudo mea, et ponet pedes meos quasi cervorum : et super excelsa mea deducet me victor in psalmis canentem.Select Habakkuk 3:19