5Hebrews 5

1Omnis namque pontifex ex hominibus assumptus, pro hominibus constituitur in iis quæ sunt ad Deum, ut offerat dona, et sacrificia pro peccatis :Select Hebrews 5:1

2qui condolere possit iis qui ignorant et errant : quoniam et ipse circumdatus est infirmitate :Select Hebrews 5:2

3et propterea debet, quemadmodum pro populo, ita etiam et pro semetipso offerre pro peccatis.Select Hebrews 5:3

4Nec quisquam sumit sibi honorem, sed qui vocatur a Deo, tamquam Aaron.Select Hebrews 5:4

5Sic et Christus non semetipsum clarificavit ut pontifex fieret : sed qui locutus est ad eum : Filius meus es tu, ego hodie genui te.Select Hebrews 5:5

6Quemadmodum et in alio loco dicit : Tu es sacerdos in æternum, secundum ordinem Melchisedech.Select Hebrews 5:6

7Qui in diebus carnis suæ preces, supplicationesque ad eum qui possit illum salvum facere a morte cum clamore valido, et lacrimis offerens, exauditus est pro sua reverentia.Select Hebrews 5:7

8Et quidem cum esset Filius Dei, didicit ex iis, quæ passus est, obedientiam :Select Hebrews 5:8

9et consummatus, factus est omnibus obtemperantibus sibi, causa salutis æternæ,Select Hebrews 5:9

10appellatus a Deo pontifex juxta ordinem Melchisedech.Select Hebrews 5:10

11De quo nobis grandis sermo, et ininterpretabilis ad dicendum : quoniam imbecilles facti estis ad audiendum.Select Hebrews 5:11

12Etenim cum deberetis magistri esse propter tempus, rursum indigetis ut vos doceamini quæ sint elementa exordii sermonum Dei : et facti estis quibus lacte opus sit, non solido cibo.Select Hebrews 5:12

13Omnis enim, qui lactis est particeps, expers est sermonis justitiæ : parvulus enim est.Select Hebrews 5:13

14Perfectorum autem est solidus cibus : eorum, qui pro consuetudine exercitatos habent sensus ad discretionem boni ac mali.Select Hebrews 5:14