6Hebrews 6

1Quapropter intermittentes inchoationis Christi sermonem, ad perfectiora feramur, non rursum jacientes fundamentum pœnitentiæ ab operibus mortuis, et fidei ad Deum,Select Hebrews 6:1

2baptismatum doctrinæ, impositionis quoque manuum, ac resurrectionis mortuorum, et judicii æterni.Select Hebrews 6:2

3Et hoc faciemus, si quidem permiserit Deus.Select Hebrews 6:3

4Impossibile est enim eos qui semel sunt illuminati, gustaverunt etiam donum cæleste, et participes facti sunt Spiritus Sancti,Select Hebrews 6:4

5gustaverunt nihilominus bonum Dei verbum, virtutesque sæculi venturi,Select Hebrews 6:5

6et prolapsi sunt ; rursus renovari ad pœnitentiam, rursum crucifigentes sibimetipsis Filium Dei, et ostentui habentes.Select Hebrews 6:6

7Terra enim sæpe venientem super se bibens imbrem, et generans herbam opportunam illis, a quibus colitur, accipit benedictionem a Deo :Select Hebrews 6:7

8proferens autem spinas ac tribulos, reproba est, et maledicto proxima : cujus consummatio in combustionem.Select Hebrews 6:8

9Confidimus autem de vobis dilectissimi meliora, et viciniora saluti : tametsi ita loquimur.Select Hebrews 6:9

10Non enim injustus Deus, ut obliviscatur operis vestri, et dilectionis, quam ostendistis in nomine ipsius, qui ministrastis sanctis, et ministratis.Select Hebrews 6:10

11Cupimus autem unumquemque vestrum eamdem ostentare sollicitudinem ad expletionem spei usque in finem :Select Hebrews 6:11

12ut non segnes efficiamini, verum imitatores eorum, qui fide, et patientia hæreditabunt promissiones.Select Hebrews 6:12

13Abrahæ namque promittens Deus, quoniam neminem habuit, per quem juraret, majorem, juravit per semetipsum,Select Hebrews 6:13

14dicens : Nisi benedicens benedicam te, et multiplicans multiplicabo te.Select Hebrews 6:14

15Et sic longanimiter ferens, adeptus est repromissionem.Select Hebrews 6:15

16Homines enim per majorem sui jurant : et omnis controversiæ eorum finis, ad confirmationem, est juramentum.Select Hebrews 6:16

17In quo abundantius volens Deus ostendere pollicitationis hæredibus, immobilitatem consilii sui, interposuit jusjurandum :Select Hebrews 6:17

18ut per duas res immobiles, quibus impossibile est mentiri Deum, fortissimum solatium habeamus, qui confugimus ad tenendam propositam spem,Select Hebrews 6:18

19quam sicut anchoram habemus animæ tutam ac firmam, et incedentem usque ad interiora velaminis,Select Hebrews 6:19

20ubi præcursor pro nobis introivit Jesus, secundum ordinem Melchisedech pontifex factus in æternum.Select Hebrews 6:20