8Hosea 8

1In gutture tuo sit tuba quasi aquila super domum Domini, pro eo quod transgressi sunt fœdus meum, et legem meam prævaricati sunt.Select Hosea 8:1

2Me invocabunt : Deus meus, cognovimus te Israël.Select Hosea 8:2

3Projecit Israël bonum : inimicus persequetur eum.Select Hosea 8:3

4Ipsi regnaverunt, et non ex me ; principes exstiterunt, et non cognovi : argentum suum et aurum suum fecerunt sibi idola, ut interirent.Select Hosea 8:4

5Projectus est vitulus tuus, Samaria ; iratus est furor meus in eos. Usquequo non poterunt emundari ?Select Hosea 8:5

6Quia ex Israël et ipse est : artifex fecit illum, et non est deus ; quoniam in aranearum telas erit vitulus Samariæ.Select Hosea 8:6

7Quia ventum seminabunt, et turbinem metent : culmus stans non est in eo ; germen non faciet farinam : quod etsi fecerit, alieni comedent eam.Select Hosea 8:7

8Devoratus est Israël ; nunc factus est in nationibus quasi vas immundum.Select Hosea 8:8

9Quia ipsi ascenderunt ad Assur, onager solitarius sibi ; Ephraim munera dederunt amatoribus.Select Hosea 8:9

10Sed et cum mercede conduxerint nationes, nunc congregabo eos, et quiescent paulisper ab onere regis et principum.Select Hosea 8:10

11Quia multiplicavit Ephraim altaria ad peccandum ; factæ sunt ei aræ in delictum.Select Hosea 8:11

12Scribam ei multiplices leges meas, quæ velut alienæ computatæ sunt.Select Hosea 8:12

13Hostias offerent, immolabunt carnes et comedent, et Dominus non suscipiet eas : nunc recordabitur iniquitatis eorum, et visitabit peccata eorum : ipsi in Ægyptum convertentur.Select Hosea 8:13

14Et oblitus est Israël factoris sui, et ædificavit delubra ; et Judas multiplicavit urbes munitas ; et mittam ignem in civitates ejus, et devorabit ædes illius.Select Hosea 8:14