18Jeremiah 18

1Verbum quod factum est ad Jeremiam a Domino, dicens :Select Jeremiah 18:1

2Surge, et descende in domum figuli, et ibi audies verba mea.Select Jeremiah 18:2

3Et descendi in domum figuli, et ecce ipse faciebat opus super rotam.Select Jeremiah 18:3

4Et dissipatum est vas quod ipse faciebat e luto manibus suis : conversusque fecit illud vas alterum, sicut placuerat in oculis ejus ut faceret.Select Jeremiah 18:4

5Et factum est verbum Domini ad me, dicens :Select Jeremiah 18:5

6Numquid sicut figulus iste, non potero vobis facere, domus Israël ? ait Dominus : ecce sicut lutum in manu figuli, sic vos in manu mea, domus Israël.Select Jeremiah 18:6

7Repente loquar adversum gentem et adversus regnum, ut eradicem, et destruam, et disperdam illud :Select Jeremiah 18:7

8si pœnitentiam egerit gens illa a malo suo quod locutus sum adversus eam, agam et ego pœnitentiam super malo quod cogitavi ut facerem ei.Select Jeremiah 18:8

9Et subito loquar de gente et de regno, ut ædificem et plantem illud.Select Jeremiah 18:9

10Si fecerit malum in oculis meis, ut non audiat vocem meam, pœnitentiam agam super bono quod locutus sum ut facerem ei.Select Jeremiah 18:10

11Nunc ergo dic viro Juda, et habitatoribus Jerusalem, dicens : Hæc dicit Dominus : Ecce ego fingo contra vos malum, et cogito contra vos cogitationem : revertatur unusquisque a via sua mala, et dirigite vias vestras et studia vestra.Select Jeremiah 18:11

12Qui dixerunt : Desperavimus : post cogitationes enim nostras ibimus, et unusquisque pravitatem cordis sui mali faciemus.Select Jeremiah 18:12

13Ideo hæc dicit Dominus : Interrogate gentes : Quis audivit talia horribilia, quæ fecit nimis virgo Israël ?Select Jeremiah 18:13

14Numquid deficiet de petra agri nix Libani ? aut evelli possunt aquæ erumpentes frigidæ, et defluentes ?Select Jeremiah 18:14

15Quia oblitus est mei populus meus, frustra libantes, et impingentes in viis suis, in semitis sæculi, ut ambularent per eas in itinere non trito,Select Jeremiah 18:15

16ut fieret terra eorum in desolationem, et in sibilum sempiternum : omnis qui præterierit per eam obstupescet, et movebit caput suum.Select Jeremiah 18:16

17Sicut ventus urens dispergam eos coram inimico : dorsum, et non faciem, ostendam eis in die perditionis eorum.Select Jeremiah 18:17

18Et dixerunt : Venite, et cogitemus contra Jeremiam cogitationes : non enim peribit lex a sacerdote, neque consilium a sapiente, nec sermo a propheta : venite, et percutiamus eum lingua, et non attendamus ad universos sermones ejus.Select Jeremiah 18:18

19Attende, Domine, ad me, et audi vocem adversariorum meorum.Select Jeremiah 18:19

20Numquid redditur pro bono malum, quia foderunt foveam animæ meæ ? Recordare quod steterim in conspectu tuo ut loquerer pro eis bonum, et averterem indignationem tuam ab eis.Select Jeremiah 18:20

21Propterea da filios eorum in famem, et deduc eos in manus gladii : fiant uxores eorum absque liberis, et viduæ : et viri earum interficiantur morte : juvenes eorum confodiantur gladio in prælio :Select Jeremiah 18:21

22audiatur clamor de domibus eorum : adduces enim super eos latronem repente, quia foderunt foveam ut caperent me, et laqueos absconderunt pedibus meis.Select Jeremiah 18:22

23Tu autem, Domine, scis omne consilium eorum adversum me in mortem : ne propitieris iniquitati eorum, et peccatum eorum a facie tua non deleatur : fiant corruentes in conspectu tuo ; in tempore furoris tui abutere eis.Select Jeremiah 18:23