25Jeremiah 25

1Verbum quod factum est ad Jeremiam, de omni populo Juda, in anno quarto Joakim filii Josiæ regis Juda (ipse est annus primus Nabuchodonosor regis Babylonis),Select Jeremiah 25:1

2quod locutus est Jeremias propheta ad omnem populum Juda, et ad universos habitatores Jerusalem, dicens :Select Jeremiah 25:2

3A tertiodecimo anno Josiæ filii Amon regis Juda, usque ad diem hanc, iste tertius et vigesimus annus, factum est verbum Domini ad me, et locutus sum ad vos, de nocte consurgens et loquens, et non audistis.Select Jeremiah 25:3

4Et misit Dominus ad vos omnes servos suos prophetas, consurgens diluculo, mittensque : et non audistis, neque inclinastis aures vestras ut audiretis,Select Jeremiah 25:4

5cum diceret : Revertimini unusquisque a via sua mala, et a pessimis cogitationibus vestris, et habitabitis in terra quam dedit Dominus vobis et patribus vestris, a sæculo et usque in sæculum :Select Jeremiah 25:5

6et nolite ire post deos alienos, ut serviatis eis, adoretisque eos : neque me ad iracundiam provocetis in operibus manuum vestrarum, et non affligam vos.Select Jeremiah 25:6

7Et non audistis me, dicit Dominus, ut me ad iracundiam provocaretis in operibus manuum vestrarum, in malum vestrum.Select Jeremiah 25:7

8Propterea hæc dicit Dominus exercituum : Pro eo quod non audistis verba mea,Select Jeremiah 25:8

9ecce ego mittam et assumam universas cognationes aquilonis, ait Dominus, et Nabuchodonosor regem Babylonis servum meum, et adducam eos super terram istam, et super habitatores ejus, et super omnes nationes quæ in circuitu illius sunt : et interficiam eos, et ponam eos in stuporem et in sibilum, et in solitudines sempiternas.Select Jeremiah 25:9

10Perdamque ex eis vocem gaudii et vocem lætitiæ, vocem sponsi et vocem sponsæ, vocem molæ et lumen lucernæ.Select Jeremiah 25:10

11Et erit universa terra hæc in solitudinem, et in stuporem : et servient omnes gentes istæ regi Babylonis septuaginta annis.Select Jeremiah 25:11

12Cumque impleti fuerint septuaginta anni, visitabo super regem Babylonis et super gentem illam, dicit Dominus, iniquitatem eorum, et super terram Chaldæorum, et ponam illam in solitudines sempiternas.Select Jeremiah 25:12

13Et adducam super terram illam omnia verba mea, quæ locutus sum contra eam, omne quod scriptum est in libro isto, quæcumque prophetavit Jeremias adversum omnes gentes :Select Jeremiah 25:13

14quia servierunt eis, cum essent gentes multæ, et reges magni : et reddam eis secundum opera eorum, et secundum facta manuum suarum.Select Jeremiah 25:14

15Quia sic dicit Dominus exercituum, Deus Israël : Sume calicem vini furoris hujus de manu mea, et propinabis de illo cunctis gentibus ad quas ego mittam te.Select Jeremiah 25:15

16Et bibent, et turbabuntur et insanient a facie gladii quem ego mittam inter eos.Select Jeremiah 25:16

17Et accepi calicem de manu Domini, et propinavi cunctis gentibus ad quas misit me Dominus,Select Jeremiah 25:17

18Jerusalem, et civitatibus Juda, et regibus ejus, et principibus ejus, ut darem eos in solitudinem, et in stuporem, et in sibilum, et in maledictionem, sicut est dies ista :Select Jeremiah 25:18

19Pharaoni regi Ægypti, et servis ejus, et principibus ejus, et omni populo ejus :Select Jeremiah 25:19

20et universis generaliter : cunctis regibus terræ Ausitidis, et cunctis regibus terræ Philisthiim, et Ascaloni, et Gazæ, et Accaron, et reliquiis Azoti :Select Jeremiah 25:20

21et Idumææ, et Moab, et filiis Ammon :Select Jeremiah 25:21

22et cunctis regibus Tyri, et universis regibus Sidonis, et regibus terræ insularum qui sunt trans mare :Select Jeremiah 25:22

23et Dedan, et Thema, et Buz, et universis qui attonsi sunt in comam :Select Jeremiah 25:23

24et cunctis regibus Arabiæ, et cunctis regibus occidentis, qui habitant in deserto :Select Jeremiah 25:24

25et cunctis regibus Zambri, et cunctis regibus Elam, et cunctis regibus Medorum :Select Jeremiah 25:25

26cunctis quoque regibus aquilonis, de prope et de longe, unicuique contra fratrem suum : et omnibus regnis terræ quæ super faciem ejus sunt : et rex Sesach bibet post eos.Select Jeremiah 25:26

27Et dices ad eos : Hæc dicit Dominus exercituum, Deus Israël : Bibite, et inebriamini, et vomite : et cadite, neque surgatis a facie gladii quem ego mittam inter vos.Select Jeremiah 25:27

28Cumque noluerint accipere calicem de manu tua ut bibant, dices ad eos : Hæc dicit Dominus exercituum : Bibentes bibetis :Select Jeremiah 25:28

29quia ecce in civitate in qua invocatum est nomen meum ego incipiam affligere, et vos quasi innocentes et immunes eritis ? non eritis immunes : gladium enim ego voco super omnes habitatores terræ, dicit Dominus exercituum.Select Jeremiah 25:29

30Et tu prophetabis ad eos omnia verba hæc, et dices ad illos : Dominus de excelso rugiet, et de habitaculo sancto suo dabit vocem suam : rugiens rugiet super decorem suum : celeuma quasi calcantium concinetur adversus omnes habitatores terræ.Select Jeremiah 25:30

31Pervenit sonitus usque ad extrema terræ, quia judicium Domino cum gentibus : judicatur ipse cum omni carne. Impios tradidi gladio, dicit Dominus.Select Jeremiah 25:31

32Hæc dicit Dominus exercituum : Ecce afflictio egredietur de gente in gentem, et turbo magnus egredietur a summitatibus terræ.Select Jeremiah 25:32

33Et erunt interfecti Domini in die illa, a summo terræ usque ad summum ejus : non plangentur, et non colligentur, neque sepelientur : in sterquilinium super faciem terræ jacebunt.Select Jeremiah 25:33

34Ululate, pastores, et clamate, et aspergite vos cinere, optimates gregis : quia completi sunt dies vestri ut interficiamini, et dissipationes vestræ : et cadetis quasi vasa pretiosa.Select Jeremiah 25:34

35Et peribit fuga a pastoribus, et salvatio ab optimatibus gregis.Select Jeremiah 25:35

36Vox clamoris pastorum, et ululatus optimatum gregis, quia vastavit Dominus pascua eorum :Select Jeremiah 25:36

37et conticuerunt arva pacis a facie iræ furoris Domini.Select Jeremiah 25:37

38Dereliquit quasi leo umbraculum suum, quia facta est terra eorum in desolationem a facie iræ columbæ, et a facie iræ furoris Domini.Select Jeremiah 25:38