29Jeremiah 29

1Et hæc sunt verba libri quem misit Jeremias propheta de Jerusalem ad reliquias seniorum transmigrationis, et ad sacerdotes, et ad prophetas, et ad omnem populum quem traduxerat Nabuchodonosor de Jerusalem in Babylonem,Select Jeremiah 29:1

2postquam egressus est Jechonias rex, et domina, et eunuchi, et principes Juda et Jerusalem, et faber et inclusor, de Jerusalem,Select Jeremiah 29:2

3in manu Elasa filii Saphan, et Gamariæ filii Helciæ, quos misit Sedecias rex Juda ad Nabuchodonosor regem Babylonis in Babylonem, dicens :Select Jeremiah 29:3

4Hæc dicit Dominus exercituum, Deus Israël, omni transmigrationi quam transtuli de Jerusalem in Babylonem :Select Jeremiah 29:4

5Ædificate domos, et habitate : et plantate hortos, et comedite fructum eorum.Select Jeremiah 29:5

6Accipite uxores, et generate filios et filias : et date filiis vestris uxores, et filias vestras date viris, et pariant filios et filias : et multiplicamini ibi, et nolite esse pauci numero.Select Jeremiah 29:6

7Et quærite pacem civitatis ad quam transmigrare vos feci, et orate pro ea ad Dominum, quia in pace illius erit pax vobis.Select Jeremiah 29:7

8Hæc enim dicit Dominus exercituum, Deus Israël : Non vos seducant prophetæ vestri qui sunt in medio vestrum, et divini vestri, et ne attendatis ad somnia vestra quæ vos somniatis :Select Jeremiah 29:8

9quia falso ipsi prophetant vobis in nomine meo, et non misi eos, dicit Dominus.Select Jeremiah 29:9

10Quia hæc dicit Dominus : Cum cœperint impleri in Babylone septuaginta anni, visitabo vos, et suscitabo super vos verbum meum bonum, ut reducam vos ad locum istum.Select Jeremiah 29:10

11Ego enim scio cogitationes quas ego cogito super vos, ait Dominus, cogitationes pacis et non afflictionis, ut dem vobis finem et patientiam.Select Jeremiah 29:11

12Et invocabitis me, et ibitis : et orabitis me, et ego exaudiam vos.Select Jeremiah 29:12

13Quæretis me, et invenietis, cum quæsieritis me in toto corde vestro.Select Jeremiah 29:13

14Et inveniar a vobis, ait Dominus : et reducam captivitatem vestram, et congregabo vos de universis gentibus et de cunctis locis ad quæ expuli vos, dicit Dominus, et reverti vos faciam de loco ad quem transmigrare vos feci.Select Jeremiah 29:14

15Quia dixistis : Suscitavit nobis Dominus prophetas in Babylone :Select Jeremiah 29:15

16quia hæc dicit Dominus ad regem qui sedet super solium David, et ad omnem populum habitatorem urbis hujus, ad fratres vestros qui non sunt egressi vobiscum in transmigrationem :Select Jeremiah 29:16

17hæc dicit Dominus exercituum : Ecce mittam in eos gladium, et famem, et pestem : et ponam eos quasi ficus malas, quæ comedi non possunt eo quod pessimæ sint :Select Jeremiah 29:17

18et persequar eos in gladio, et in fame, et in pestilentia : et dabo eos in vexationem universis regnis terræ : in maledictionem, et in stuporem, et in sibilum, et in opprobrium cunctis gentibus ad quas ego ejeci eos,Select Jeremiah 29:18

19eo quod non audierint verba mea, dicit Dominus, quæ misit ad eos per servos meos prophetas, de nocte consurgens et mittens : et non audistis, dicit Dominus.Select Jeremiah 29:19

20Vos ergo audite verbum Domini, omnis transmigratio quam emisi de Jerusalem in Babylonem.Select Jeremiah 29:20

21Hæc dicit Dominus exercituum, Deus Israël, ad Achab filium Coliæ, et ad Sedeciam filium Maasiæ, qui prophetant vobis in nomine meo mendaciter : Ecce ego tradam eos in manus Nabuchodonosor regis Babylonis, et percutiet eos in oculis vestris :Select Jeremiah 29:21

22et assumetur ex eis maledictio omni transmigrationi Juda quæ est in Babylone, dicentium : Ponat te Dominus sicut Sedeciam et sicut Achab, quos frixit rex Babylonis in igne :Select Jeremiah 29:22

23pro eo quod fecerint stultitiam in Israël, et mœchati sunt in uxores amicorum suorum, et locuti sunt verbum in nomine meo mendaciter, quod non mandavi eis. Ego sum judex et testis, dicit Dominus.Select Jeremiah 29:23

24Et ad Semeiam Nehelamiten dices :Select Jeremiah 29:24

25Hæc dicit Dominus exercituum, Deus Israël : Pro eo quod misisti in nomine tuo libros ad omnem populum qui est in Jerusalem, et ad Sophoniam filium Maasiæ sacerdotem, et ad universos sacerdotes, dicens :Select Jeremiah 29:25

26Dominus dedit te sacerdotem pro Jojade sacerdote, ut sis dux in domo Domini, super omnem virum arreptitium et prophetantem, ut mittas eum in nervum et in carcerem :Select Jeremiah 29:26

27et nunc quare non increpasti Jeremiam Anathothiten, qui prophetat vobis ?Select Jeremiah 29:27

28Quia super hoc misit in Babylonem ad nos, dicens : Longum est : ædificate domos, et habitate : et plantate hortos, et comedite fructus eorum.Select Jeremiah 29:28

29Legit ergo Sophonias sacerdos librum istum in auribus Jeremiæ prophetæ.Select Jeremiah 29:29

30Et factum est verbum Domini ad Jeremiam, dicens :Select Jeremiah 29:30

31Mitte ad omnem transmigrationem, dicens : Hæc dicit Dominus ad Semeiam Nehelamiten : Pro eo quod prophetavit vobis Semeias, et ego non misi eum, et fecit vos confidere in mendacio,Select Jeremiah 29:31

32idcirco hæc dicit Dominus : Ecce ego visitabo super Semeiam Nehelamiten, et super semen ejus : non erit ei vir sedens in medio populi hujus, et non videbit bonum quod ego faciam populo meo, ait Dominus, quia prævaricationem locutus est adversus Dominum.Select Jeremiah 29:32