7Jeremiah 7

1Verbum quod factum est ad Jeremiam a Domino, dicens :Select Jeremiah 7:1

2Sta in porta domus Domini, et prædica ibi verbum istud, et dic : Audite verbum Domini, omnis Juda, qui ingredimini per portas has ut adoretis Dominum.Select Jeremiah 7:2

3Hæc dicit Dominus exercituum, Deus Israël : Bonas facite vias vestras, et studia vestra, et habitabo vobiscum in loco isto.Select Jeremiah 7:3

4Nolite confidere in verbis mendacii, dicentes : Templum Domini, templum Domini, templum Domini est !Select Jeremiah 7:4

5Quoniam si bene direxeritis vias vestras, et studia vestra ; si feceritis judicium inter virum et proximum ejus ;Select Jeremiah 7:5

6advenæ, et pupillo, et viduæ non feceritis calumniam, nec sanguinem innocentem effuderitis in loco hoc, et post deos alienos non ambulaveritis in malum vobismetipsis :Select Jeremiah 7:6

7habitabo vobiscum in loco isto, in terra quam dedi patribus vestris a sæculo et usque in sæculum.Select Jeremiah 7:7

8Ecce vos confiditis vobis in sermonibus mendacii, qui non proderunt vobis :Select Jeremiah 7:8

9furari, occidere, adulterari, jurare mendaciter, libare Baalim, et ire post deos alienos quos ignoratis :Select Jeremiah 7:9

10et venistis, et stetistis coram me in domo hac, in qua invocatum est nomen meum, et dixistis : Liberati sumus, eo quod fecerimus omnes abominationes istas.Select Jeremiah 7:10

11Numquid ergo spelunca latronum facta est domus ista, in qua invocatum est nomen meum in oculis vestris ? Ego, ego sum : ego vidi, dicit Dominus.Select Jeremiah 7:11

12Ite ad locum meum in Silo, ubi habitavit nomen meum a principio, et videte quæ fecerim ei propter malitiam populi mei Israël.Select Jeremiah 7:12

13Et nunc, quia fecistis omnia opera hæc, dicit Dominus, et locutus sum ad vos mane consurgens, et loquens, et non audistis : et vocavi vos, et non respondistis :Select Jeremiah 7:13

14faciam domui huic, in qua invocatum est nomen meum, et in qua vos habetis fiduciam, et loco quem dedi vobis et patribus vestris, sicut feci Silo :Select Jeremiah 7:14

15et projiciam vos a facie mea sicut projeci omnes fratres vestros, universum semen Ephraim.Select Jeremiah 7:15

16Tu ergo, noli orare pro populo hoc, nec assumas pro eis laudem et orationem : et non obsistas mihi, quia non exaudiam te.Select Jeremiah 7:16

17Nonne vides quid isti faciunt in civitatibus Juda, et in plateis Jerusalem ?Select Jeremiah 7:17

18Filii colligunt ligna, et patres succendunt ignem, et mulieres conspergunt adipem, ut faciant placentas reginæ cæli, et libent diis alienis, et me ad iracundiam provocent.Select Jeremiah 7:18

19Numquid me ad iracundiam provocant ? dicit Dominus ; nonne semetipsos in confusionem vultus sui ?Select Jeremiah 7:19

20Ideo hæc dicit Dominus Deus : Ecce furor meus et indignatio mea conflatur super locum istum, super viros, et super jumenta, et super lignum regionis, et super fruges terræ : et succendetur, et non extinguetur.Select Jeremiah 7:20

21Hæc dicit Dominus exercituum, Deus Israël : Holocautomata vestra addite victimis vestris, et comedite carnes :Select Jeremiah 7:21

22quia non sum locutus cum patribus vestris, et non præcepi eis, in die qua eduxi eos de terra Ægypti, de verbo holocautomatum et victimarum :Select Jeremiah 7:22

23sed hoc verbum præcepi eis, dicens : Audite vocem meam, et ero vobis Deus, et vos eritis mihi populus : et ambulate in omni via quam mandavi vobis, ut bene sit vobis.Select Jeremiah 7:23

24Et non audierunt, nec inclinaverunt aurem suam : sed abierunt in voluntatibus et in pravitate cordis sui mali : factique sunt retrorsum, et non in ante,Select Jeremiah 7:24

25a die qua egressi sunt patres eorum de terra Ægypti usque ad diem hanc. Et misi ad vos omnes servos meos prophetas per diem, consurgens diluculo, et mittens :Select Jeremiah 7:25

26et non audierunt me, nec inclinaverunt aurem suam : sed induraverunt cervicem suam, et pejus operati sunt quam patres eorum.Select Jeremiah 7:26

27Et loqueris ad eos omnia verba hæc, et non audient te : et vocabis eos, et non respondebunt tibi.Select Jeremiah 7:27

28Et dices ad eos : Hæc est gens quæ non audivit vocem Domini Dei sui, nec recepit disciplinam ; periit fides, et ablata est de ore eorum.Select Jeremiah 7:28

29Tonde capillum tuum, et projice, et sume in directum planctum : quia projecit Dominus et reliquit generationem furoris sui ;Select Jeremiah 7:29

30quia fecerunt filii Juda malum in oculis meis, dicit Dominus. Posuerunt offendicula sua in domo in qua invocatum est nomen meum, ut polluerent eam :Select Jeremiah 7:30

31et ædificaverunt excelsa Topheth, quæ est in valle filii Ennom, ut incenderent filios suos et filias suas igni, quæ non præcepi, nec cogitavi in corde meo.Select Jeremiah 7:31

32Ideo ecce dies venient, dicit Dominus, et non dicetur amplius Topheth, et vallis filii Ennom, sed vallis interfectionis : et sepelient in Topheth, eo quod non sit locus.Select Jeremiah 7:32

33Et erit morticinum populi hujus in cibos volucribus cæli et bestiis terræ, et non erit qui abigat.Select Jeremiah 7:33

34Et quiescere faciam de urbibus Juda, et de plateis Jerusalem, vocem gaudii et vocem lætitiæ, vocem sponsi et vocem sponsæ : in desolationem enim erit terra.Select Jeremiah 7:34