18Job 18

1Respondens autem Baldad Suhites, dixit :Select Job 18:1

2Usque ad quem finem verba jactabitis ? intelligite prius, et sic loquamur.Select Job 18:2

3Quare reputati sumus ut jumenta, et sorduimus coram vobis ?Select Job 18:3

4Qui perdis animam tuam in furore tuo, numquid propter te derelinquetur terra, et transferentur rupes de loco suo ?Select Job 18:4

5Nonne lux impii extinguetur, nec splendebit flamma ignis ejus ?Select Job 18:5

6Lux obtenebrescet in tabernaculo illius, et lucerna quæ super eum est extinguetur.Select Job 18:6

7Arctabuntur gressus virtutis ejus, et præcipitabit eum consilium suum.Select Job 18:7

8Immisit enim in rete pedes suos, et in maculis ejus ambulat.Select Job 18:8

9Tenebitur planta illius laqueo, et exardescet contra eum sitis.Select Job 18:9

10Abscondita est in terra pedica ejus, et decipula illius super semitam.Select Job 18:10

11Undique terrebunt eum formidines, et involvent pedes ejus.Select Job 18:11

12Attenuetur fame robur ejus, et inedia invadat costas illius.Select Job 18:12

13Devoret pulchritudinem cutis ejus ; consumat brachia illius primogenita mors.Select Job 18:13

14Avellatur de tabernaculo suo fiducia ejus, et calcet super eum, quasi rex, interitus.Select Job 18:14

15Habitent in tabernaculo illius socii ejus qui non est ; aspergatur in tabernaculo ejus sulphur.Select Job 18:15

16Deorsum radices ejus siccentur : sursum autem atteratur messis ejus.Select Job 18:16

17Memoria illius pereat de terra, et non celebretur nomen ejus in plateis.Select Job 18:17

18Expellet eum de luce in tenebras, et de orbe transferet eum.Select Job 18:18

19Non erit semen ejus, neque progenies in populo suo, nec ullæ reliquiæ in regionibus ejus.Select Job 18:19

20In die ejus stupebunt novissimi, et primos invadet horror.Select Job 18:20

21Hæc sunt ergo tabernacula iniqui, et iste locus ejus qui ignorat Deum.Select Job 18:21