19Job 19

1Respondens autem Job, dixit :Select Job 19:1

2Usquequo affligitis animam meam, et atteritis me sermonibus ?Select Job 19:2

3En decies confunditis me, et non erubescitis opprimentes me.Select Job 19:3

4Nempe etsi ignoravi, mecum erit ignorantia mea.Select Job 19:4

5At vos contra me erigimini, et arguitis me opprobriis meis.Select Job 19:5

6Saltem nunc intelligite quia Deus non æquo judicio afflixerit me, et flagellis suis me cinxerit.Select Job 19:6

7Ecce clamabo, vim patiens, et nemo audiet ; vociferabor, et non est qui judicet.Select Job 19:7

8Semitam meam circumsepsit, et transire non possum : et in calle meo tenebras posuit.Select Job 19:8

9Spoliavit me gloria mea, et abstulit coronam de capite meo.Select Job 19:9

10Destruxit me undique, et pereo : et quasi evulsæ arbori abstulit spem meam.Select Job 19:10

11Iratus est contra me furor ejus, et sic me habuit quasi hostem suum.Select Job 19:11

12Simul venerunt latrones ejus, et fecerunt sibi viam per me, et obsederunt in gyro tabernaculum meum.Select Job 19:12

13Fratres meos longe fecit a me, et noti mei quasi alieni recesserunt a me.Select Job 19:13

14Dereliquerunt me propinqui mei, et qui me noverant obliti sunt mei.Select Job 19:14

15Inquilini domus meæ et ancillæ meæ sicut alienum habuerunt me, et quasi peregrinus fui in oculis eorum.Select Job 19:15

16Servum meum vocavi, et non respondit : ore proprio deprecabar illum.Select Job 19:16

17Halitum meum exhorruit uxor mea, et orabam filios uteri mei.Select Job 19:17

18Stulti quoque despiciebant me : et cum ab eis recessissem, detrahebant mihi.Select Job 19:18

19Abominati sunt me quondam consiliarii mei, et quem maxime diligebam, aversatus est me.Select Job 19:19

20Pelli meæ, consumptis carnibus, adhæsit os meum, et derelicta sunt tantummodo labia circa dentes meos.Select Job 19:20

21Miseremini mei, miseremini mei saltem vos, amici mei, quia manus Domini tetigit me.Select Job 19:21

22Quare persequimini me sicut Deus, et carnibus meis saturamini ?Select Job 19:22

23Quis mihi tribuat ut scribantur sermones mei ? quis mihi det ut exarentur in libroSelect Job 19:23

24stylo ferreo et plumbi lamina, vel celte sculpantur in silice ?Select Job 19:24

25Scio enim quod redemptor meus vivit, et in novissimo die de terra surrecturus sum :Select Job 19:25

26et rursum circumdabor pelle mea, et in carne mea videbo Deum meum :Select Job 19:26

27quem visurus sum ego ipse, et oculi mei conspecturi sunt, et non alius : reposita est hæc spes mea in sinu meo.Select Job 19:27

28Quare ergo nunc dicitis : Persequamur eum, et radicem verbi inveniamus contra eum ?Select Job 19:28

29Fugite ergo a facie gladii, quoniam ultor iniquitatum gladius est : et scitote esse judicium.Select Job 19:29