23Job 23

1Respondens autem Job, ait :Select Job 23:1

2Nunc quoque in amaritudine est sermo meus, et manus plagæ meæ aggravata est super gemitum meum.Select Job 23:2

3Quis mihi tribuat ut cognoscam et inveniam illum, et veniam usque ad solium ejus ?Select Job 23:3

4Ponam coram eo judicium, et os meum replebo increpationibus :Select Job 23:4

5ut sciam verba quæ mihi respondeat, et intelligam quid loquatur mihi.Select Job 23:5

6Nolo multa fortitudine contendat mecum, nec magnitudinis suæ mole me premat.Select Job 23:6

7Proponat æquitatem contra me, et perveniat ad victoriam judicium meum.Select Job 23:7

8Si ad orientem iero, non apparet ; si ad occidentem, non intelligam eum.Select Job 23:8

9Si ad sinistram, quid agam ? non apprehendam eum ; si me vertam ad dexteram, non videbo illum.Select Job 23:9

10Ipse vero scit viam meam, et probavit me quasi aurum quod per ignem transit.Select Job 23:10

11Vestigia ejus secutus est pes meus : viam ejus custodivi, et non declinavi ex ea.Select Job 23:11

12A mandatis labiorum ejus non recessi, et in sinu meo abscondi verba oris ejus.Select Job 23:12

13Ipse enim solus est, et nemo avertere potest cogitationem ejus : et anima ejus quodcumque voluit, hoc fecit.Select Job 23:13

14Cum expleverit in me voluntatem suam, et alia multa similia præsto sunt ei.Select Job 23:14

15Et idcirco a facie ejus turbatus sum, et considerans eum, timore sollicitor.Select Job 23:15

16Deus mollivit cor meum, et Omnipotens conturbavit me.Select Job 23:16

17Non enim perii propter imminentes tenebras, nec faciem meam operuit caligo.Select Job 23:17