27Job 27

1Addidit quoque Job, assumens parabolam suam, et dixit :Select Job 27:1

2Vivit Deus, qui abstulit judicium meum, et Omnipotens, qui ad amaritudinem adduxit animam meam.Select Job 27:2

3Quia donec superest halitus in me, et spiritus Dei in naribus meis,Select Job 27:3

4non loquentur labia mea iniquitatem, nec lingua mea meditabitur mendacium.Select Job 27:4

5Absit a me ut justos vos esse judicem : donec deficiam, non recedam ab innocentia mea.Select Job 27:5

6Justificationem meam, quam cœpi tenere, non deseram : neque enim reprehendit me cor meum in omni vita mea.Select Job 27:6

7Sit ut impius, inimicus meus, et adversarius meus quasi iniquus.Select Job 27:7

8Quæ est enim spes hypocritæ, si avare rapiat, et non liberet Deus animam ejus ?Select Job 27:8

9Numquid Deus audiet clamorem ejus, cum venerit super eum angustia ?Select Job 27:9

10aut poterit in Omnipotente delectari, et invocare Deum omni tempore ?Select Job 27:10

11Docebo vos per manum Dei quæ Omnipotens habeat, nec abscondam.Select Job 27:11

12Ecce vos omnes nostis : et quid sine causa vana loquimini ?Select Job 27:12

13Hæc est pars hominis impii apud Deum, et hæreditas violentorum, quam ob Omnipotente suscipient.Select Job 27:13

14Si multiplicati fuerint filii ejus, in gladio erunt, et nepotes ejus non saturabuntur pane :Select Job 27:14

15qui reliqui fuerint ex eo sepelientur in interitu, et viduæ illius non plorabunt.Select Job 27:15

16Si comportaverit quasi terram argentum, et sicut lutum præparaverit vestimenta :Select Job 27:16

17præparabit quidem, sed justus vestietur illis, et argentum innocens dividet.Select Job 27:17

18Ædificavit sicut tinea domum suam, et sicut custos fecit umbraculum.Select Job 27:18

19Dives, cum dormierit, nihil secum auferet : aperiet oculos suos, et nihil inveniet.Select Job 27:19

20Apprehendet eum quasi aqua inopia : nocte opprimet eum tempestas.Select Job 27:20

21Tollet eum ventus urens, et auferet, et velut turbo rapiet eum de loco suo.Select Job 27:21

22Et mittet super eum, et non parcet : de manu ejus fugiens fugiet.Select Job 27:22

23Stringet super eum manus suas, et sibilabit super illum, intuens locum ejus.Select Job 27:23