31Job 31

1Pepigi fœdus cum oculis meis, ut ne cogitarem quidem de virgine.Select Job 31:1

2Quam enim partem haberet in me Deus desuper, et hæreditatem Omnipotens de excelsis ?Select Job 31:2

3Numquid non perditio est iniquo, et alienatio operantibus injustitiam ?Select Job 31:3

4Nonne ipse considerat vias meas, et cunctos gressus meos dinumerat ?Select Job 31:4

5Si ambulavi in vanitate, et festinavit in dolo pes meus,Select Job 31:5

6appendat me in statera justa, et sciat Deus simplicitatem meam.Select Job 31:6

7Si declinavit gressus meus de via, et si secutum est oculos meos cor meum, et si manibus meis adhæsit macula,Select Job 31:7

8seram, et alius comedat, et progenies mea eradicetur.Select Job 31:8

9Si deceptum est cor meum super muliere, et si ad ostium amici mei insidiatus sum,Select Job 31:9

10scortum alterius sit uxor mea, et super illam incurventur alii.Select Job 31:10

11Hoc enim nefas est, et iniquitas maxima.Select Job 31:11

12Ignis est usque ad perditionem devorans, et omnia eradicans genimina.Select Job 31:12

13Si contempsi subire judicium cum servo meo et ancilla mea, cum disceptarent adversum me :Select Job 31:13

14quid enim faciam cum surrexerit ad judicandum Deus ? et cum quæsierit, quid respondebo illi ?Select Job 31:14

15Numquid non in utero fecit me, qui et illum operatus est, et formavit me in vulva unus ?Select Job 31:15

16Si negavi quod volebant pauperibus, et oculos viduæ expectare feci ;Select Job 31:16

17si comedi buccellam meam solus, et non comedit pupillus ex eaSelect Job 31:17

18(quia ab infantia mea crevit mecum miseratio, et de utero matris meæ egressa est mecum) ;Select Job 31:18

19si despexi pereuntem, eo quod non habuerit indumentum, et absque operimento pauperem ;Select Job 31:19

20si non benedixerunt mihi latera ejus, et de velleribus ovium mearum calefactus est ;Select Job 31:20

21si levavi super pupillum manum meam, etiam cum viderem me in porta superiorem :Select Job 31:21

22humerus meus a junctura sua cadat, et brachium meum cum suis ossibus confringatur.Select Job 31:22

23Semper enim quasi tumentes super me fluctus timui Deum, et pondus ejus ferre non potui.Select Job 31:23

24Si putavi aurum robur meum, et obrizo dixi : Fiducia mea ;Select Job 31:24

25si lætatus sum super multis divitiis meis, et quia plurima reperit manus mea ;Select Job 31:25

26si vidi solem cum fulgeret, et lunam incedentem clare,Select Job 31:26

27et lætatum est in abscondito cor meum, et osculatus sum manum meam ore meo :Select Job 31:27

28quæ est iniquitas maxima, et negatio contra Deum altissimum.Select Job 31:28

29Si gavisus sum ad ruinam ejus qui me oderat, et exsultavi quod invenisset eum malum :Select Job 31:29

30non enim dedi ad peccandum guttur meum, ut expeterem maledicens animam ejus.Select Job 31:30

31Si non dixerunt viri tabernaculi mei : Quis det de carnibus ejus, ut saturemur ?Select Job 31:31

32foris non mansit peregrinus : ostium meum viatori patuit.Select Job 31:32

33Si abscondi quasi homo peccatum meum, et celavi in sinu meo iniquitatem meam ;Select Job 31:33

34si expavi ad multitudinem nimiam, et despectio propinquorum terruit me : et non magis tacui, nec egressus sum ostium.Select Job 31:34

35Quis mihi tribuat auditorem, ut desiderium meum audiat Omnipotens, et librum scribat ipse qui judicat,Select Job 31:35

36ut in humero meo portem illum, et circumdem illum quasi coronam mihi ?Select Job 31:36

37Per singulos gradus meos pronuntiabo illum, et quasi principi offeram eum.Select Job 31:37

38Si adversum me terra mea clamat, et cum ipsa sulci ejus deflent :Select Job 31:38

39si fructus ejus comedi absque pecunia, et animam agricolarum ejus afflixi :Select Job 31:39

40pro frumento oriatur mihi tribulus, et pro hordeo spina. Finita sunt verba Job.Select Job 31:40