34Job 34

1Pronuntians itaque Eliu, etiam hæc locutus est :Select Job 34:1

2Audite, sapientes, verba mea : et eruditi, auscultate me.Select Job 34:2

3Auris enim verba probat, et guttur escas gustu dijudicat.Select Job 34:3

4Judicium eligamus nobis, et inter nos videamus quid sit melius.Select Job 34:4

5Quia dixit Job : Justus sum, et Deus subvertit judicium meum.Select Job 34:5

6In judicando enim me mendacium est : violenta sagitta mea absque ullo peccato.Select Job 34:6

7Quis est vir ut est Job, qui bibit subsannationem quasi aquam :Select Job 34:7

8qui graditur cum operantibus iniquitatem, et ambulat cum viris impiis ?Select Job 34:8

9Dixit enim : Non placebit vir Deo, etiam si cucurrerit cum eo.Select Job 34:9

10Ideo, viri cordati, audite me : absit a Deo impietas, et ab Omnipotente iniquitas.Select Job 34:10

11Opus enim hominis reddet ei, et juxta vias singulorum restituet eis.Select Job 34:11

12Vere enim Deus non condemnabit frustra, nec Omnipotens subvertet judicium.Select Job 34:12

13Quem constituit alium super terram ? aut quem posuit super orbem quem fabricatus est ?Select Job 34:13

14Si direxerit ad eum cor suum, spiritum illius et flatum ad se trahet.Select Job 34:14

15Deficiet omnis caro simul, et homo in cinerem revertetur.Select Job 34:15

16Si habes ergo intellectum, audi quod dicitur, et ausculta vocem eloquii mei :Select Job 34:16

17numquid qui non amat judicium sanari potest ? et quomodo tu eum qui justus est in tantum condemnas ?Select Job 34:17

18Qui dicit regi : Apostata ; qui vocat duces impios ;Select Job 34:18

19qui non accipit personas principum, nec cognovit tyrannum cum disceptaret contra pauperem : opus enim manuum ejus sunt universi.Select Job 34:19

20Subito morientur, et in media nocte turbabuntur populi : et pertransibunt, et auferent violentum absque manu.Select Job 34:20

21Oculi enim ejus super vias hominum, et omnes gressus eorum considerat.Select Job 34:21

22Non sunt tenebræ, et non est umbra mortis, ut abscondantur ibi qui operantur iniquitatem,Select Job 34:22

23neque enim ultra in hominis potestate est, ut veniat ad Deum in judicium.Select Job 34:23

24Conteret multos, et innumerabiles, et stare faciet alios pro eis.Select Job 34:24

25Novit enim opera eorum, et idcirco inducet noctem, et conterentur.Select Job 34:25

26Quasi impios percussit eos in loco videntium :Select Job 34:26

27qui quasi de industria recesserunt ab eo, et omnes vias ejus intelligere noluerunt :Select Job 34:27

28ut pervenire facerent ad eum clamorem egeni, et audiret vocem pauperum.Select Job 34:28

29Ipso enim concedente pacem, quis est qui condemnet ? ex quo absconderit vultum, quis est qui contempletur eum, et super gentes, et super omnes homines ?Select Job 34:29

30Qui regnare facit hominem hypocritam propter peccata populi.Select Job 34:30

31Quia ergo ego locutus sum ad Deum, te quoque non prohibebo.Select Job 34:31

32Si erravi, tu doce me ; si iniquitatem locutus sum, ultra non addam.Select Job 34:32

33Numquid a te Deus expetit eam, quia displicuit tibi ? tu enim cœpisti loqui, et non ego : quod si quid nosti melius, loquere.Select Job 34:33

34Viri intelligentes loquantur mihi, et vir sapiens audiat me.Select Job 34:34

35Job autem stulte locutus est, et verba illius non sonant disciplinam.Select Job 34:35

36Pater mi, probetur Job usque ad finem : ne desinas ab homine iniquitatis :Select Job 34:36

37quia addit super peccata sua blasphemiam, inter nos interim constringatur : et tunc ad judicium provocet sermonibus suis Deum.Select Job 34:37