36Job 36

1Addens quoque Eliu, hæc locutus est :Select Job 36:1

2Sustine me paululum, et indicabo tibi : adhuc enim habeo quod pro Deo loquar.Select Job 36:2

3Repetam scientiam meam a principio, et operatorem meum probabo justum.Select Job 36:3

4Vere enim absque mendacio sermones mei, et perfecta scientia probabitur tibi.Select Job 36:4

5Deus potentes non abjicit, cum et ipse sit potens :Select Job 36:5

6sed non salvat impios, et judicium pauperibus tribuit.Select Job 36:6

7Non auferet a justo oculos suos : et reges in solio collocat in perpetuum, et illi eriguntur.Select Job 36:7

8Et si fuerint in catenis, et vinciantur funibus paupertatis,Select Job 36:8

9indicabit eis opera eorum, et scelera eorum, quia violenti fuerunt.Select Job 36:9

10Revelabit quoque aurem eorum, ut corripiat : et loquetur, ut revertantur ab iniquitate.Select Job 36:10

11Si audierint et observaverint, complebunt dies suos in bono, et annos suos in gloria :Select Job 36:11

12si autem non audierint, transibunt per gladium, et consumentur in stultitia.Select Job 36:12

13Simulatores et callidi provocant iram Dei, neque clamabunt cum vincti fuerint.Select Job 36:13

14Morietur in tempestate anima eorum, et vita eorum inter effeminatos.Select Job 36:14

15Eripiet de angustia sua pauperem, et revelabit in tribulatione aurem ejus.Select Job 36:15

16Igitur salvabit te de ore angusto latissime, et non habente fundamentum subter se : requies autem mensæ tuæ erit plena pinguedine.Select Job 36:16

17Causa tua quasi impii judicata est : causam judiciumque recipies.Select Job 36:17

18Non te ergo superet ira ut aliquem opprimas : nec multitudo donorum inclinet te.Select Job 36:18

19Depone magnitudinem tuam absque tribulatione, et omnes robustos fortitudine.Select Job 36:19

20Ne protrahas noctem, ut ascendant populi pro eis.Select Job 36:20

21Cave ne declines ad iniquitatem : hanc enim cœpisti sequi post miseriam.Select Job 36:21

22Ecce Deus excelsus in fortitudine sua, et nullus ei similis in legislatoribus.Select Job 36:22

23Quis poterit scrutari vias ejus ? aut quis potest ei dicere : Operatus es iniquitatem ?Select Job 36:23

24Memento quod ignores opus ejus, de quo cecinerunt viri.Select Job 36:24

25Omnes homines vident eum : unusquisque intuetur procul.Select Job 36:25

26Ecce Deus magnus vincens scientiam nostram : numerus annorum ejus inæstimabilis.Select Job 36:26

27Qui aufert stillas pluviæ, et effundit imbres ad instar gurgitum,Select Job 36:27

28qui de nubibus fluunt quæ prætexunt cuncta desuper.Select Job 36:28

29Si voluerit extendere nubes quasi tentorium suum,Select Job 36:29

30et fulgurare lumine suo desuper, cardines quoque maris operiet.Select Job 36:30

31Per hæc enim judicat populos, et dat escas multis mortalibus.Select Job 36:31

32In manibus abscondit lucem, et præcepit ei ut rursus adveniat.Select Job 36:32

33Annuntiat de ea amico suo, quod possessio ejus sit, et ad eam possit ascendere.Select Job 36:33