37Job 37

1Super hoc expavit cor meum, et emotum est de loco suo.Select Job 37:1

2Audite auditionem in terrore vocis ejus, et sonum de ore illius procedentem.Select Job 37:2

3Subter omnes cælos ipse considerat, et lumen illius super terminos terræ.Select Job 37:3

4Post eum rugiet sonitus ; tonabit voce magnitudinis suæ : et non investigabitur, cum audita fuerit vox ejus.Select Job 37:4

5Tonabit Deus in voce sua mirabiliter, qui facit magna et inscrutabilia ;Select Job 37:5

6qui præcipit nivi ut descendat in terram, et hiemis pluviis, et imbri fortitudinis suæ ;Select Job 37:6

7qui in manu omnium hominum signat, ut noverint singuli opera sua.Select Job 37:7

8Ingredietur bestia latibulum, et in antro suo morabitur.Select Job 37:8

9Ab interioribus egredietur tempestas, et ab Arcturo frigus.Select Job 37:9

10Flante Deo, concrescit gelu, et rursum latissimæ funduntur aquæ.Select Job 37:10

11Frumentum desiderat nubes, et nubes spargunt lumen suum.Select Job 37:11

12Quæ lustrant per circuitum, quocumque eas voluntas gubernantis duxerit, ad omne quod præceperit illis super faciem orbis terrarum :Select Job 37:12

13sive in una tribu, sive in terra sua, sive in quocumque loco misericordiæ suæ eas jusserit inveniri.Select Job 37:13

14Ausculta hæc, Job : sta, et considera mirabilia Dei.Select Job 37:14

15Numquid scis quando præceperit Deus pluviis, ut ostenderent lucem nubium ejus ?Select Job 37:15

16Numquid nosti semitas nubium magnas, et perfectas scientias ?Select Job 37:16

17Nonne vestimenta tua calida sunt, cum perflata fuerit terra austro ?Select Job 37:17

18Tu forsitan cum eo fabricatus es cælos, qui solidissimi quasi ære fusi sunt.Select Job 37:18

19Ostende nobis quid dicamus illi : nos quippe involvimur tenebris.Select Job 37:19

20Quis narrabit ei quæ loquor ? etiam si locutus fuerit homo, devorabitur.Select Job 37:20

21At nunc non vident lucem : subito aër cogetur in nubes, et ventus transiens fugabit eas.Select Job 37:21

22Ab aquilone aurum venit, et ad Deum formidolosa laudatio.Select Job 37:22

23Digne eum invenire non possumus : magnus fortitudine, et judicio, et justitia : et enarrari non potest.Select Job 37:23

24Ideo timebunt eum viri, et non audebunt contemplari omnes qui sibi videntur esse sapientes.Select Job 37:24