9Job 9

1Et respondens Job, ait :Select Job 9:1

2Vere scio quod ita sit, et quod non justificetur homo compositus Deo.Select Job 9:2

3Si voluerit contendere cum eo, non poterit ei respondere unum pro mille.Select Job 9:3

4Sapiens corde est, et fortis robore : quis restitit ei, et pacem habuit ?Select Job 9:4

5Qui transtulit montes, et nescierunt hi quos subvertit in furore suo.Select Job 9:5

6Qui commovet terram de loco suo, et columnæ ejus concutiuntur.Select Job 9:6

7Qui præcipit soli, et non oritur, et stellas claudit quasi sub signaculo.Select Job 9:7

8Qui extendit cælos solus, et graditur super fluctus maris.Select Job 9:8

9Qui facit Arcturum et Oriona, et Hyadas et interiora austri.Select Job 9:9

10Qui facit magna, et incomprehensibilia, et mirabilia, quorum non est numerus.Select Job 9:10

11Si venerit ad me, non videbo eum ; si abierit, non intelligam.Select Job 9:11

12Si repente interroget, quis respondebit ei ? vel quis dicere potest : Cur ita facis ?Select Job 9:12

13Deus, cujus iræ nemo resistere potest, et sub quo curvantur qui portant orbem.Select Job 9:13

14Quantus ergo sum ego, ut respondeam ei, et loquar verbis meis cum eo ?Select Job 9:14

15qui etiam si habuero quippiam justum, non respondebo : sed meum judicem deprecabor.Select Job 9:15

16Et cum invocantem exaudierit me, non credo quod audierit vocem meam.Select Job 9:16

17In turbine enim conteret me, et multiplicabit vulnera mea, etiam sine causa.Select Job 9:17

18Non concedit requiescere spiritum meum, et implet me amaritudinibus.Select Job 9:18

19Si fortitudo quæritur, robustissimus est ; si æquitas judicii, nemo audet pro me testimonium dicere.Select Job 9:19

20Si justificare me voluero, os meum condemnabit me ; si innocentem ostendero, pravum me comprobabit.Select Job 9:20

21Etiam si simplex fuero, hoc ipsum ignorabit anima mea, et tædebit me vitæ meæ.Select Job 9:21

22Unum est quod locutus sum : et innocentem et impium ipse consumit.Select Job 9:22

23Si flagellat, occidat semel, et non de pœnis innocentum rideat.Select Job 9:23

24Terra data est in manus impii ; vultum judicum ejus operit. Quod si non ille est, quis ergo est ?Select Job 9:24

25Dies mei velociores fuerunt cursore ; fugerunt, et non viderunt bonum.Select Job 9:25

26Pertransierunt quasi naves poma portantes ; sicut aquila volans ad escam.Select Job 9:26

27Cum dixero : Nequaquam ita loquar : commuto faciem meam, et dolore torqueor.Select Job 9:27

28Verebar omnia opera mea, sciens quod non parceres delinquenti.Select Job 9:28

29Si autem et sic impius sum, quare frustra laboravi ?Select Job 9:29

30Si lotus fuero quasi aquis nivis, et fulserint velut mundissimæ manus meæ,Select Job 9:30

31tamen sordibus intinges me, et abominabuntur me vestimenta mea.Select Job 9:31

32Neque enim viro qui similis mei est, respondebo ; nec qui mecum in judicio ex æquo possit audiri.Select Job 9:32

33Non est qui utrumque valeat arguere, et ponere manum suam in ambobus.Select Job 9:33

34Auferat a me virgam suam, et pavor ejus non me terreat.Select Job 9:34

35Loquar, et non timebo eum ; neque enim possum metuens respondere.Select Job 9:35