10John 10

1Amen, amen dico vobis : qui non intrat per ostium in ovile ovium, sed ascendit aliunde, ille fur est et latro.Select John 10:1

2Qui autem intrat per ostium, pastor est ovium.Select John 10:2

3Huic ostiarius aperit, et oves vocem ejus audiunt, et proprias oves vocat nominatim, et educit eas.Select John 10:3

4Et cum proprias oves emiserit, ante eas vadit : et oves illum sequuntur, quia sciunt vocem ejus.Select John 10:4

5Alienum autem non sequuntur, sed fugiunt ab eo : quia non noverunt vocem alienorum.Select John 10:5

6Hoc proverbium dixit eis Jesus : illi autem non cognoverunt quid loqueretur eis.Select John 10:6

7Dixit ergo eis iterum Jesus : Amen, amen dico vobis, quia ego sum ostium ovium.Select John 10:7

8Omnes quotquot venerunt, fures sunt, et latrones, et non audierunt eos oves.Select John 10:8

9Ego sum ostium. Per me si quis introierit, salvabitur : et ingredietur, et egredietur, et pascua inveniet.Select John 10:9

10Fur non venit nisi ut furetur, et mactet, et perdat. Ego veni ut vitam habeant, et abundantius habeant.Select John 10:10

11Ego sum pastor bonus. Bonus pastor animam suam dat pro ovibus suis.Select John 10:11

12Mercenarius autem, et qui non est pastor, cujus non sunt oves propriæ, videt lupum venientem, et dimittit oves, et fugit : et lupus rapit, et dispergit oves ;Select John 10:12

13mercenarius autem fugit, quia mercenarius est, et non pertinet ad eum de ovibus.Select John 10:13

14Ego sum pastor bonus : et cognosco meas, et cognoscunt me meæ.Select John 10:14

15Sicut novit me Pater, et ego agnosco Patrem : et animam meam pono pro ovibus meis.Select John 10:15

16Et alias oves habeo, quæ non sunt ex hoc ovili : et illas oportet me adducere, et vocem meam audient, et fiet unum ovile et unus pastor.Select John 10:16

17Propterea me diligit Pater : quia ego pono animam meam, ut iterum sumam eam.Select John 10:17

18Nemo tollit eam a me : sed ego pono eam a meipso, et potestatem habeo ponendi eam, et potestatem habeo iterum sumendi eam. Hoc mandatum accepi a Patre meo.Select John 10:18

19Dissensio iterum facta est inter Judæos propter sermones hos.Select John 10:19

20Dicebant autem multi ex ipsis : Dæmonium habet, et insanit : quid eum auditis ?Select John 10:20

21Alii dicebant : Hæc verba non sunt dæmonium habentis : numquid dæmonium potest cæcorum oculos aperire ?Select John 10:21

22Facta sunt autem Encænia in Jerosolymis, et hiems erat.Select John 10:22

23Et ambulabat Jesus in templo, in porticu Salomonis.Select John 10:23

24Circumdederunt ergo eum Judæi, et dicebant ei : Quousque animam nostram tollis ? si tu es Christus, dic nobis palam.Select John 10:24

25Respondit eis Jesus : Loquor vobis, et non creditis : opera quæ ego facio in nomine Patris mei, hæc testimonium perhibent de me :Select John 10:25

26sed vos non creditis, quia non estis ex ovibus meis.Select John 10:26

27Oves meæ vocem meam audiunt, et ego cognosco eas, et sequuntur me :Select John 10:27

28et ego vitam æternam do eis, et non peribunt in æternum, et non rapiet eas quisquam de manu mea.Select John 10:28

29Pater meus quod dedit mihi, majus omnibus est : et nemo potest rapere de manu Patris mei.Select John 10:29

30Ego et Pater unum sumus.Select John 10:30

31Sustulerunt ergo lapides Judæi, ut lapidarent eum.Select John 10:31

32Respondit eis Jesus : Multa bona opera ostendi vobis ex Patre meo : propter quod eorum opus me lapidatis ?Select John 10:32

33Responderunt ei Judæi : De bono opere non lapidamus te, sed de blasphemia ; et quia tu homo cum sis, facis teipsum Deum.Select John 10:33

34Respondit eis Jesus : Nonne scriptum est in lege vestra, Quia ego dixi : Dii estis ?Select John 10:34

35Si illos dixit deos, ad quos sermo Dei factus est, et non potest solvi Scriptura :Select John 10:35

36quem Pater sanctificavit, et misit in mundum vos dicitis : Quia blasphemas, quia dixi : Filius Dei sum ?Select John 10:36

37Si non facio opera Patris mei, nolite credere mihi.Select John 10:37

38Si autem facio : etsi mihi non vultis credere, operibus credite, ut cognoscatis, et credatis quia Pater in me est, et ego in Patre.Select John 10:38

39Quærebant ergo eum apprehendere : et exivit de manibus eorum.Select John 10:39

40Et abiit iterum trans Jordanem, in eum locum ubi erat Joannes baptizans primum, et mansit illic ;Select John 10:40

41et multi venerunt ad eum, et dicebant : Quia Joannes quidem signum fecit nullum.Select John 10:41

42Omnia autem quæcumque dixit Joannes de hoc, vera erant. Et multi crediderunt in eum.Select John 10:42