12John 12

1Jesus ergo ante sex dies Paschæ venit Bethaniam, ubi Lazarus fuerat mortuus, quem suscitavit Jesus.Select John 12:1

2Fecerunt autem ei cœnam ibi, et Martha ministrabat, Lazarus vero unus erat ex discumbentibus cum eo.Select John 12:2

3Maria ergo accepit libram unguenti nardi pistici pretiosi, et unxit pedes Jesu, et extersit pedes ejus capillis suis : et domus impleta est ex odore unguenti.Select John 12:3

4Dixit ergo unus ex discipulis ejus, Judas Iscariotes, qui erat eum traditurus :Select John 12:4

5Quare hoc unguentum non veniit trecentis denariis, et datum est egenis ?Select John 12:5

6Dixit autem hoc, non quia de egenis pertinebat ad eum, sed quia fur erat, et loculos habens, ea quæ mittebantur, portabat.Select John 12:6

7Dixit ergo Jesus : Sinite illam ut in diem sepulturæ meæ servet illud.Select John 12:7

8Pauperes enim semper habetis vobiscum : me autem non semper habetis.Select John 12:8

9Cognovit ergo turba multa ex Judæis quia illic est, et venerunt, non propter Jesum tantum, sed ut Lazarum viderent, quem suscitavit a mortuis.Select John 12:9

10Cogitaverunt autem principes sacerdotum ut et Lazarum interficerent :Select John 12:10

11quia multi propter illum abibant ex Judæis, et credebant in Jesum.Select John 12:11

12In crastinum autem, turba multa quæ venerat ad diem festum, cum audissent quia venit Jesus Jerosolymam,Select John 12:12

13acceperunt ramos palmarum, et processerunt obviam ei, et clamabant : Hosanna, benedictus qui venit in nomine Domini, rex Israël.Select John 12:13

14Et invenit Jesus asellum, et sedit super eum, sicut scriptum est :Select John 12:14

15Noli timere, filia Sion : ecce rex tuus venit sedens super pullum asinæ.Select John 12:15

16Hæc non cognoverunt discipuli ejus primum : sed quando glorificatus est Jesus, tunc recordati sunt quia hæc erant scripta de eo, et hæc fecerunt ei.Select John 12:16

17Testimonium ergo perhibebat turba, quæ erat cum eo quando Lazarum vocavit de monumento, et suscitavit eum a mortuis.Select John 12:17

18Propterea et obviam venit ei turba : quia audierunt fecisse hoc signum.Select John 12:18

19Pharisæi ergo dixerunt ad semetipsos : Videtis quia nihil proficimus ? ecce mundus totus post eum abiit.Select John 12:19

20Erant autem quidam gentiles, ex his qui ascenderant ut adorarent in die festo.Select John 12:20

21Hi ergo accesserunt ad Philippum, qui erat a Bethsaida Galilææ, et rogabant eum, dicentes : Domine, volumus Jesum videre.Select John 12:21

22Venit Philippus, et dicit Andreæ ; Andreas rursum et Philippus dixerunt Jesu.Select John 12:22

23Jesus autem respondit eis, dicens : Venit hora, ut clarificetur Filius hominis.Select John 12:23

24Amen, amen dico vobis, nisi granum frumenti cadens in terram, mortuum fuerit,Select John 12:24

25ipsum solum manet : si autem mortuum fuerit, multum fructum affert. Qui amat animam suam, perdet eam ; et qui odit animam suam in hoc mundo, in vitam æternam custodit eam.Select John 12:25

26Si quis mihi ministrat, me sequatur, et ubi sum ego, illic et minister meus erit. Si quis mihi ministraverit, honorificabit eum Pater meus.Select John 12:26

27Nunc anima mea turbata est. Et quid dicam ? Pater, salvifica me ex hac hora. Sed propterea veni in horam hanc :Select John 12:27

28Pater, clarifica nomen tuum. Venit ergo vox de cælo : Et clarificavi, et iterum clarificabo.Select John 12:28

29Turba ergo, quæ stabat, et audierat, dicebat tonitruum esse factum. Alii dicebant : Angelus ei locutus est.Select John 12:29

30Respondit Jesus, et dixit : Non propter me hæc vox venit, sed propter vos.Select John 12:30

31Nunc judicium est mundi : nunc princeps hujus mundi ejicietur foras.Select John 12:31

32Et ego, si exaltatus fuero a terra, omnia traham ad meipsum.Select John 12:32

33(Hoc autem dicebat, significans qua morte esset moriturus.)Select John 12:33

34Respondit ei turba : Nos audivimus ex lege, quia Christus manet in æternum : et quomodo tu dicis : Oportet exaltari Filium hominis ? quis est iste Filius hominis ?Select John 12:34

35Dixit ergo eis Jesus : Adhuc modicum, lumen in vobis est. Ambulate dum lucem habetis, ut non vos tenebræ comprehendant ; et qui ambulat in tenebris, nescit quo vadat.Select John 12:35

36Dum lucem habetis, credite in lucem, ut filii lucis sitis. Hæc locutus est Jesus, et abiit et abscondit se ab eis.Select John 12:36

37Cum autem tanta signa fecisset coram eis, non credebant in eum ;Select John 12:37

38ut sermo Isaiæ prophetæ impleretur, quem dixit : Domine, quis credidit auditui nostro ? et brachium Domini cui revelatum est ?Select John 12:38

39Propterea non poterant credere, quia iterum dixit Isaias :Select John 12:39

40Excæcavit oculos eorum, et induravit cor eorum ut non videant oculis, et non intelligant corde, et convertantur, et sanem eos.Select John 12:40

41Hæc dixit Isaias, quando vidit gloriam ejus, et locutus est de eo.Select John 12:41

42Verumtamen et ex principibus multi crediderunt in eum : sed propter pharisæos non confitebantur, ut e synagoga non ejicerentur.Select John 12:42

43Dilexerunt enim gloriam hominum magis quam gloriam Dei.Select John 12:43

44Jesus autem clamavit, et dixit : Qui credit in me, non credit in me, sed in eum qui misit me.Select John 12:44

45Et qui videt me, videt eum qui misit me.Select John 12:45

46Ego lux in mundum veni, ut omnis qui credit in me, in tenebris non maneat.Select John 12:46

47Et si quis audierit verba mea, et non custodierit, ego non judico eum ; non enim veni ut judicem mundum, sed ut salvificem mundum.Select John 12:47

48Qui spernit me et non accipit verba mea, habet qui judicet eum. Sermo quem locutus sum, ille judicabit eum in novissimo die.Select John 12:48

49Quia ego ex meipso non sum locutus, sed qui misit me, Pater, ipse mihi mandatum dedit quid dicam et quid loquar.Select John 12:49

50Et scio quia mandatum ejus vita æterna est : quæ ergo ego loquor, sicut dixit mihi Pater, sic loquor.Select John 12:50