16John 16

1Hæc locutus sum vobis, ut non scandalizemini.Select John 16:1

2Absque synagogis facient vos : sed venit hora, ut omnis qui interficit vos arbitretur obsequium se præstare Deo.Select John 16:2

3Et hæc facient vobis, quia non noverunt Patrem, neque me.Select John 16:3

4Sed hæc locutus sum vobis, ut cum venerit hora eorum, reminiscamini quia ego dixi vobis.Select John 16:4

5Hæc autem vobis ab initio non dixi, quia vobiscum eram. Et nunc vado ad eum qui misit me ; et nemo ex vobis interrogat me : Quo vadis ?Select John 16:5

6sed quia hæc locutus sum vobis, tristitia implevit cor vestrum.Select John 16:6

7Sed ego veritatem dico vobis : expedit vobis ut ego vadam : si enim non abiero, Paraclitus non veniet ad vos ; si autem abiero, mittam eum ad vos.Select John 16:7

8Et cum venerit ille, arguet mundum de peccato, et de justitia, et de judicio.Select John 16:8

9De peccato quidem, quia non crediderunt in me.Select John 16:9

10De justitia vero, quia ad Patrem vado, et jam non videbitis me.Select John 16:10

11De judicio autem, quia princeps hujus mundi jam judicatus est.Select John 16:11

12Adhuc multa habeo vobis dicere, sed non potestis portare modo.Select John 16:12

13Cum autem venerit ille Spiritus veritatis, docebit vos omnem veritatem : non enim loquetur a semetipso, sed quæcumque audiet loquetur, et quæ ventura sunt annuntiabit vobis.Select John 16:13

14Ille me clarificabit, quia de meo accipiet, et annuntiabit vobis.Select John 16:14

15Omnia quæcumque habet Pater, mea sunt. Propterea dixi : quia de meo accipiet, et annuntiabit vobis.Select John 16:15

16Modicum, et jam non videbitis me ; et iterum modicum, et videbitis me : quia vado ad Patrem.Select John 16:16

17Dixerunt ergo ex discipulis ejus ad invicem : Quid est hoc quod dicit nobis : Modicum, et non videbitis me ; et iterum modicum, et videbitis me, et quia vado ad Patrem ?Select John 16:17

18Dicebant ergo : Quid est hoc quod dicit : Modicum ? nescimus quid loquitur.Select John 16:18

19Cognovit autem Jesus, quia volebant eum interrogare, et dixit eis : De hoc quæritis inter vos quia dixi : Modicum, et non videbitis me ; et iterum modicum, et videbitis me.Select John 16:19

20Amen, amen dico vobis : quia plorabitis, et flebitis vos, mundus autem gaudebit ; vos autem contristabimini, sed tristitia vestra vertetur in gaudium.Select John 16:20

21Mulier cum parit, tristitiam habet, quia venit hora ejus ; cum autem pepererit puerum, jam non meminit pressuræ propter gaudium, quia natus est homo in mundum.Select John 16:21

22Et vos igitur nunc quidem tristitiam habetis, iterum autem videbo vos, et gaudebit cor vestrum : et gaudium vestrum nemo tollet a vobis.Select John 16:22

23Et in illo die me non rogabitis quidquam. Amen, amen dico vobis : si quid petieritis Patrem in nomine meo, dabit vobis.Select John 16:23

24Usque modo non petistis quidquam in nomine meo : petite, et accipietis, ut gaudium vestrum sit plenum.Select John 16:24

25Hæc in proverbiis locutus sum vobis. Venit hora cum jam non in proverbiis loquar vobis, sed palam de Patre annuntiabo vobis :Select John 16:25

26in illo die in nomine meo petetis : et non dico vobis quia ego rogabo Patrem de vobis :Select John 16:26

27ipse enim Pater amat vos, quia vos me amastis, et credidistis, quia ego a Deo exivi.Select John 16:27

28Exivi a Patre, et veni in mundum : iterum relinquo mundum, et vado ad Patrem.Select John 16:28

29Dicunt ei discipuli ejus : Ecce nunc palam loqueris, et proverbium nullum dicis :Select John 16:29

30nunc scimus quia scis omnia, et non opus est tibi ut quis te interroget : in hoc credimus quia a Deo existi.Select John 16:30

31Respondit eis Jesus : Modo creditis ?Select John 16:31

32ecce venit hora, et jam venit, ut dispergamini unusquisque in propria, et me solum relinquatis : et non sum solus, quia Pater mecum est.Select John 16:32

33Hæc locutus sum vobis, ut in me pacem habeatis. In mundo pressuram habebitis : sed confidite, ego vici mundum.Select John 16:33